Gal. 5:15 - Tampulma

¹⁵ Ma yaa na paan a du dɔŋ ni a la di dɔŋa wa amɔrɛ, ma doso. Wuzu digi ma zi wa chɔk dɔŋau.

Gal. 5:15 Marejeleo ya Msalaba

Maak 3:25

Dam bɛgim nara burgi a yo dɔŋa, chen dam ti zi pisiu a chel.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

Gal. 5:20

Ba yaa nyɛ vursiwa jirimarɛ a la tum hiti tuma. Ba yaa ha dɔŋwa a la di dɔŋa wa amɔrɛ a na paan a du dɔŋ ni a kpak handɔta wa dɔŋa a ya se tima. Ba purigi dɔŋwa,

Gal. 5:26

Ya ta daŋni sɔna a daŋni bara bora aa kidi handɔta a du dɔŋ ni.

Filip. Tima 3:2

Ma doso kinkan ba naa funɛ teŋsi ba titi bara a la tum tum tagna a la daŋni ba teŋsi ma gbanko chen. Ba chi vasa a naa ya yɔrirɛ a gba a tum tum tagniwa.

Kɔl. 2:8

Biksi bɔnɛ nyɛn doon ba yir zima. Nara bɔnɛ biksi a, amaa a ya yɔrirɛ. O ya nibinsa zimarɛ ba la alizin tagna wati. Adaha ma ta nyɛ ba wa kpak ma a muri. A nama wa li Kristo wati.

Jems 3:14

Amaa ma kpak handɔta awa tuha sa a ya se tima, ma ta daŋni sɔn a kisuni di ma kpak wuti zimau.