Gal. 4:6 - Tampulma

⁶ Ma ya o bisiwa. Chendaha Koosa fun kpa o be siim weri ti a du ma bambe ni. Chen siim weri ti nyɛ ma yir Koosa ma kunyana.

Gal. 4:6 Marejeleo ya Msalaba

Maak 14:36

O fun bu sumi, “Mu kunyana, hin koti a ya kina maga. Chendaha muu sumi hin di i lisi namsi nɔ a li min ni. Nyɛ i tutɔ ti ya a kaali mu tutɔ.”

Luk 11:13

Ma ya nibin tagna, amaa maa zim chenani ma zi kpa kiwere a nyɛ ma bisi niu. Ma kunyan Koosa naa nyɛn o tɔhɔn ti ni, waa kaali ma a kpa o siim weri ti a nyɛ ba naa la sumi un ni.”

Luk 11:2

Yesu fun ŋɔ ba, “Nan nyinbaan nɔ wa ma zi sumi Koosa, ‘Ya kunyan Koosa, ya daŋni i sɔn naa la chaani chiŋiu. Ya daŋni i wa dɔ narawa.

Jɔn 14:16

Mu zi sumi mu nyan tiu o kpa o siim weri, naa ya wuti tiina, a du ma bambe ni. O zi nyɛn dooniu hali saha naa vɛ kpak bɔ aa suŋi ma ma tiŋ chenani mu ŋɔ ma.

Jɔn 15:26

“Mu funɛ piin ŋɔ mau di Koosa siim weri naa ya wuti tiina zi biksi nara mu wɛ. Mu wa bur la mu nyan ti wati, mu zi nyɛ o wa ma watiu a wa suŋi ma.

Jɔn 16:7

Ma nyɛ mu sɛm ma wuti. O deŋlu di mu gil ma a bur la mu nyan ti wati, chen ni mu zi nyɛ o siim weri ti wa suŋi mau. Mu vɛ laali, o wa zi koti a wa.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Jɔn 7:39

Yesu funɛ sɛm ba ni pali ti wɛ chen, o funɛ ya Koosa siim weri ti wɛwa o sɛm. Yesu ha wa fun bur la Koosa tɔhɔn ti. Chendaha Koosa ha wa kpa o siim weri ti a nyɛ ba naa se su Yesu ni.

Tuma 16:7

Ba fun wa tel doonani ba yir Misia a daŋni ba zu pulum naa ba yir Baitinia. Ya kunyan Yesu siim weri ti ha wa fun vɛɛn la nɔɔni di ba zu.

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

1 Kɔr. 15:45

Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

2 Kɔr. 1:22

a zer o dani a du ya ni. O gbanko funɛ kpa o siim weri ti a du ya bambe niu. Waa ya o purigiri bɔɔli kin naa maga o zi kpa a nyɛ ya.

2 Kɔr. 3:17

Ya kunyan ti awa Koosa siim weri naa wa nyɛn ba ni chen ya nibɛgimnɛ. Ba waa lisɛ ba.

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

Ɛfɛ. 2:18

Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Ɛfɛ. 4:30

Ma vɛ tiŋ chenani mu sɛm nan, ma zi chɔk Koosa siim weri ti tuhau. Waa ya Koosa daana ma ni, hali saha naa Koosa zi wa la ma nyuuna a nyɛ ma.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

Filip. Tima 1:19

Maa sumi Koosarɛ mu daha ka Yesu Kristo siim weri ti kisuŋi min. Chendaha mu zimu di ba zi wa yisi minu a li dɛ nɔ ni. Kin nama daha, mu tuha gbanko sɔɔni kinkan aa la.

1 Tɛs. 4:8

Adaha ba naa wa vɛ ya biksi nɔ, o wa vɛ chenani nibinsa fun biksi, amaa o vɛ chenani Koosa funɛ biksirɛ. Waa funɛ kpa o siim weri ti a du ma ni.

1 Pita 1:11

Koosa siim weri naa funɛ nyɛn ba ni, fun a biksi ba di wuzu digi Kristo zi wa namsiu a sou a si a li o sou ni a na jirima kinkan a li Koosa wati. Ba funɛ lisi kin nama wɛ a kpaŋi a dɛu saha naa Kristo zi wa wa.

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.