Gal. 4:21 - Tampulma

²¹ Ma naa la daŋni di Koosa chiksɛ ta dɔ ma, maa lisi chenani a biksi ma.

Gal. 4:21 Marejeleo ya Msalaba

Maak 10:3

Yesu fun burgi a pɛɛsi ba, “Yɛrɛ Mosis fun biksi ma di ma tiŋ?”

Luk 16:29

Abraham fun ŋɔ un, ‘Mosis awa Koosa witinsi ta funɛ sɔbi sɛm damatau a wa biksi nara bar namsi ti wɛ a du Koosa sɛm tɔn ti ni. Nyɛ i niinbisa karimi chenani ba sɔbi chen aa tiŋ ba nɔ.’

Jɔn 10:34

Yesu fun ŋɔ ba, “Koosa funɛ lisi nibin bɔnɛ di ba sɔbi o sɛma a du o tɔn ni saha digi. O funɛ ŋɔ ba wɛu di ba chi unu. Ya zimu di o sɛm tɔn ti ya wutirɛ.

Jɔn 12:34

Zɛmɛ ta nidigi fun ŋɔ un, “Ba funɛ sɔbi a li Koosa sɛm tɔn ti ni di Kristo naa Koosa fun vɔu di o tum chen zi nyɛnu hali saha naa vɛ kpak bɔ. Yɛrɛ i sɛm ya di nara zi kpak nibine beu a kpaasi mari daakakli ti ni o sou? Ya wa zim nibine naa ya un.”

Jɔn 15:25

Ba funɛ ha ya chene di chenani ba sɔbi a li Koosa sɛm tɔn ti ni chen zi ya watiu. Ba funɛ sɔbiu a ŋɔ, ‘Ba ha minu ka o vɛ kpak mun.’

Room 3:19

Ya zimu di ba naa la biksi Koosa chiksɛ ta, ba waa la biksi ba naa la tiŋ a, di ba na galimsa. Chendaha nara maga zi wa la nɔɔniu di ba tum galimsau Koosa suwachak ni. Ba wa zi wa koti a sɛm wu digi.

Room 6:14

Koosa chiksɛ ta wa bu dɔ ma. Lalaknɔwa Koosa suŋi ma. Chendaha tum tagna wa zi bu dɔ ma.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?