Gal. 4:19 - Tampulma

¹⁹ Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

Gal. 4:19 Marejeleo ya Msalaba

Luk 22:44

O fun na bar wiha kinkan, a fun sumi Koosa wa si sɛm ni ka o wilim fun chi chɛl aa chesi tɛɛnɛ ni.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

2 Kɔr. 12:14

Mu funɛ piin a wa ma watiu bilɛ. Lalaknɔ mu bur a saksiu di mu wa. Mu wa pu ma, mu wara daŋni ma wa lisi kundɔŋ a li ma kin ni a nyɛ min. Mu daŋni ma kpa ma titirɛ a ka nyɛ min. Ma chi mu bisiwa. Bichɛsa wara dɛɛsi ba nyama awa ba numa, amaa ba nyama awa ba numa ka la dɛɛsi ba.

Ɛfɛ. 4:13

Ya se su Koosa be a gbaari a wa zim un nɛnɛ, ya maga zi kpak nɔ bɛgimu wa dɔŋ ni. Ya ya chen, ya zi mak nibaalau a burgi a chi chenani Yesu Kristo wer a peti chen.

Ɛfɛ. 4:24

Ma suwachak tuha wɛ a naa Koosa fun kpa a nyɛ ma, a waa la zi nyɛ ma wa chi un. Koosa ya wuti tiina awa tu chaan tiina a la tum tum were saha maga.

Filip. Tima 1:8

Koosa ya mu sɛhɛra tiina di Yesu Kristo kpa o daŋni a nyɛ min mu daŋni ma kinkan.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Filip. Tima 2:5

O lawa maa lisi a chi chenani Yesu Kristo funɛ lisi.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 2:1

Mu daŋni ma zimu chenani mu baga nyɛn ma awa Laodisia tima wa ba naa vɛ zim min.

Kɔl. 3:10

Lalaknɔwa ma kpak ma suwachak tuhu kin a naa Koosa fun kpa a nyɛ ma. A chi o titi kinawa. Waa la kɔɔri a saha maga, chen ni ma zi kotiu a zim un hali o wa peti.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tɛs. 2:7

Ya fu daŋni ya kpak kpok ma wati, ya fu zi koti a kpak unu domi ya ya Kristo nitumɛ tawa. Ya funɛ nyɛn ma wati, ya funɛ kpak kanyitau dɛɛsi ma a chi nihaan yaa dɛɛsi o be chen.

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Faili. 1:10

Mu sumi hinu i yoma Onisimus daha. O chi mu bere mu wati, domi o si funɛ su Kristore a li mu biksi ti ni dɛ bar tɔɔli nɔ ni.

Faili. 1:19

Mu titi la sɔbi nan a nyɛ hin. O pɛŋ i malɛ, mu vɔu di mu zi bɔ hinu. Mu biksi ti funɛ nyɛ i si su Yesu Kristo. Chendaha o chi min dɔ hin.

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

1 Jɔn 2:1

Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.

1 Jɔn 2:12

Bichɛsa, mu sɔbi nannɛ a nyɛ ma, domi Koosa funɛ gil ma tum tagna a nyɛ mau Yesu daha.

1 Jɔn 5:21

Mu bisa, ma doso ma ta nyɛ kundɔŋ wa lisi ma a li Koosa tiŋi ni.

3 Jɔn 1:4

Saha naa mu yaa nu di mu bisa tiŋ Koosa wuti nyinbaannɛ, o yaa sɔɔni mu tuhau kinkan a kaali kina maga.