Gal. 3:19 - Tampulma

¹⁹ Yɛrɛ Koosa fun kpa o chiksɛ ta a nyɛ Mosis ni a gbaari o vɔwi naa o fun piin kpa a nyɛ Abraham ni? Koosa funɛ ya chene, chen ni nibinsa zi zimu chenani tum tagna duu, hali saha naa Abraham be luli naa Koosa fun vɔu di o tum, fun wa. Koosa funɛ kpa o chiksɛ ta a nyɛ nara ni, o funɛ te kpa a a nyɛ o malaikasi ta nɛɛ. Ba fun a kpa a a nyɛ Mosis ni o ka fun kpa a a nyɛ nara ni.

Gal. 3:19 Marejeleo ya Msalaba

Luk 16:31

Amaa Abraham funɛ ŋɔ unu, ‘Hali nandigi wa si o sou ni, ba wa zi nu o sɛma, domi ba piin vɛ Mosis awa Koosa witinsi ta nɔu.’ ”

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 15:22

Mu funɛ wa ŋɔ ba di ba bur a li ba tum tagna tiŋi ni. Ba vɛ. Chendaha Koosa na ba galimsa. Ba wa zi wa koti a sɛm wu digi o suwachak ni.

Tuma 7:38

Mosis ya naa wa ya nawaalsa Ju tim ta funɛ lagmi a li nyabaan ti ni. Koosa malaika ti fun ŋɔ un dooni a li bi Sainai a kpa Koosa chiksɛ naa biksi ba chenani ba zi nyɛn, a nyɛ un. Nannɛ ba fun kpa nyɛ ya di ya tiŋ.

Tuma 7:53

Koosa funɛ nyɛ o malaika ti kpa o chiksɛ ta a nyɛ ma nawaalsi ta ni a ka pu ma, amaa ma ha wa tiŋ a.”

Room 2:13

Nara funɛ nu o chiksɛ ta duŋduŋnɛ, ba galimsa ti ha vɛɛn nyɛn o watiu. Amaa ba naa ka tiŋ a nɔ, o wa zi bu na ba galimsa.

Room 4:15

Koosa na paan a du ba naa la chɔk o chiksɛ ta a wa lɛrgi ba diŋsa. Chiksɛ ta fu vɛ nyɛni, nara fu wa zi koti a chɔk a.

Gal. 3:16

Ba fun bukoo sɔbi a li Koosa sɛm tɔn ti ni a ŋɔ, “Koosa funɛ kpa o vɔwe a nyɛ Abraham awa o be luli ni.” Ba wa fun sɔbi di o kpa a a nyɛ Abraham awa o bi lulɛ ni. O mun ya di o funɛ kpa a a nyɛ nibin bɛgim duŋduŋ nɛɛ. Chen tiina ya Kristo.

Ju 2:2

Ma zim chenani Koosa malaikasi ta fun a kpa o wuti chiksɛ a nyɛ Mosis ni saha digi. Ba naa maga tum tum tagna a vɛ tiŋ o nɔ, Koosa fun na ba galimsa a lɛrgi ba diŋsa. O funɛ deŋliu di o ya chen.

Ju 2:5

Lalaknɔ tɛɛnɛ nɔ maga wa chɔk ka Koosa kɔɔri kifali, o wa zi nyɛ o malaikasi ta dɔ un.