Gal. 3:16 - Tampulma

¹⁶ Ba fun bukoo sɔbi a li Koosa sɛm tɔn ti ni a ŋɔ, “Koosa funɛ kpa o vɔwe a nyɛ Abraham awa o be luli ni.” Ba wa fun sɔbi di o kpa a a nyɛ Abraham awa o bi lulɛ ni. O mun ya di o funɛ kpa a a nyɛ nibin bɛgim duŋduŋ nɛɛ. Chen tiina ya Kristo.

Gal. 3:16 Marejeleo ya Msalaba

Mat. 1:1

Yesu Kristo nawaalsa nɛɛnɛ. Koor Devid funɛ ya Yesu nawaal bunirɛ. Abraham gbanko funɛ ya Yesu nawaal bunirɛ.

Luk 1:55

a kiɔm Abraham siki. O zi ɔm Abraham bi lulɛ maga gbanko sikiu hali saha naa vɛ kpak bɔ.”

Tuma 3:25

Vɔwɛ naa Koosa fun vɔu a nyɛ o witinsi ta kpa a a mɔɔli, awa chenani o wa ma nawaalsi ta fun ya nɔ bɛgim, a ya ma gbanko kinawa zinan. Ba funɛ sɔbiu a li Koosa sɛm tɔn ti ni di o ŋɔ Abraham ni, ‘Mu zi nyɛ i bi lulɛ kpa nyusumu a nyɛ tɛɛnɛ nɔ tim maga ni.’

Room 12:5

Ya gbanko iiu. Domi ya wa Kristo ya nibɛgimnɛ, ya maga chi bara bɛgimnɛ. Chendaha ya lagmi dɔŋ ni a ya nibɛgim.

Room 4:13

Koosa funɛ vɔu Abraham awa o bi lulɛ di ba zi wa dɔ tɛɛnɛ nɔ magau, o wa fun vɔu chen Abraham chiksɛ tiŋi daha. O si funɛ su Koosa, chen ni o wa fun koti a bu na o galimsa. Chendaha Koosa fun vɔu chen.

Room 4:16

Koosa vɔwi nyini nara se suuli nee, chen ni Abraham bi lulɛ maga ba naa teŋsee awa ba naa vɛ teŋsi, zi kpak bambiu di Koosa zi tum chenani o fun vɔu. O vɔwi ti ya papaharɛ. Abraham ya ya maga nawaal.

Room 9:4

Ba waa ya Ju tim ta. Saha digi Koosa fun lisi ba di ba ya o bisa a biksi ba o kpok ti awa o chaani ti kinkan. O wa ba funɛ ya nɔ bɛgim. O gbanko fun kpa o chiksɛ naa nyɛ ba jɛɛmi un nɛnɛ awa o vɔwɛ a nyɛ ba.

1 Kɔr. 12:12

Ma nyini chenani ya bara du. O ya kibɛgimnɛ amaa o luk pɛksa iiu. Amaa o luk pɛksa kurgɛ ta lagmi dɔŋ ni a burgi bara bɛgim. Chene Kristo du.

1 Kɔr. 12:27

Ma maga ya Kristo barawa. Ma maga nibɛgim bɛgim ya o bara luk pɛksiwa.

2 Kɔr. 11:22

Ba ya Ju timwaa? Mu gbanko ya Ju timwa. Ba ya Abraham bi lulɛwaa? Mu gbanko ya ba warɛ.

Gal. 3:19

Yɛrɛ Koosa fun kpa o chiksɛ ta a nyɛ Mosis ni a gbaari o vɔwi naa o fun piin kpa a nyɛ Abraham ni? Koosa funɛ ya chene, chen ni nibinsa zi zimu chenani tum tagna duu, hali saha naa Abraham be luli naa Koosa fun vɔu di o tum, fun wa. Koosa funɛ kpa o chiksɛ ta a nyɛ nara ni, o funɛ te kpa a a nyɛ o malaikasi ta nɛɛ. Ba fun a kpa a a nyɛ Mosis ni o ka fun kpa a a nyɛ nara ni.

Gal. 3:8

Koosa funɛ te biksi ba naa funɛ sɔbi a li o sɛm tɔn ti ni di o wa zi bu na ba naa vɛ ya Ju tima galimsa o suwachak ni, domi ba se zi wa su unu. Abraham funɛ te nu nan laaboor weri nɔ di, “Koosa zi suŋi ba naa maga nyɛn tɛɛnɛ nɔ maga niu a chi nan o daha.”

Ɛfɛ. 5:32

Mu zimu di nan bɔmu wa ma zim o mun. O biksi ya di Yesu Kristo awa o nitiŋɛ ta ya nibɛgimnɛ.

Kɔl. 2:19

O wara tiŋ Kristo naa ya ya nyuhu tiina. Ya waa ya o bara luk pɛksa a la na kpok awa suŋi a li un ni. O wa ya ya nibɛgimnɛ ka yaa bi a chi chenani Koosa daŋni yaa bi.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.