Gal. 2:9 - Tampulma

⁹ Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Gal. 2:9 Marejeleo ya Msalaba

Mat. 16:18

Adaha mu gbanko ŋɔ hinu, Pita, ba naa Koosa dɔ chi dam naa n sarɛ. I waa ya o sɛchik. Sintana awa o alizin tagna maga wa zi kut a chɔk un.

Luk 22:8

Yesu fun ŋɔ Pita awa Jɔn ni, “Ma la a la saksi ya val la gali ti diwe ya wa di.”

Jɔn 1:42

O fun kpa Simɔn a wa Yesu wati. Yesu fun a nyini un a ŋɔ, “Hin ya Simɔn, Jɔn be ti. Mu nyɛ hin sɔn faliu ba yir hin Sifas.” Sɔn ti mun ya ‘gbɛntɛl’.

Tuma 12:17

O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

Tuma 15:13

Ba sɛm ta gantɛl nɛɛ, Jems fun ŋɔ ba maga ni, “Mu niinbisa, ma nu mu wati.

Tuma 15:7

Ba funɛ sɛm chene a vusi, Pita fun si chiŋi ba bambaan ni a ŋɔ ba, “Mu niinbisa, ma zimu di Koosa funɛ lisi min a li ma ni saha digi di mu la biksi o laaboor weri ti a nyɛ ba naa vɛ ya Ju tim ni, chen ni ba zi nu unu a nyɛ ba se su un.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Room 15:15

Amaa Koosa funɛ suŋi minu di mu kpak bambi kpok a lisi ma kin bɔnɛ a li tɔn nɔ mu sɔbi nan a nyɛ ma.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

2 Kɔr. 11:5

Ma lisu di nibiksɛ nama ya nibirigewa a kaali min. Mu wa la nɔɔni a nyɛ ma.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 8:4

Ba fun sumi ya di ya la ba papaha, chen ni ya zi kotiu a suŋi Koosa nara ba naa nyɛn bar dumsi ni.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Gal. 1:18

Bunsa tora gantɛl ni, mu fun kaali Jɛrusalɛm di mu la na Pita, a nyɛn o wati wuzu fidanyuu,

Gal. 2:1

Bun fidanaasi gantɛl ni, min, Barnabas awa Taitus fun bur a kaali Jɛrusalɛm.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Gal. 6:3

Nar lisee di o ya nibin zenne a vɛ yaali, o mur o titirɛ.

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.