Gal. 2:7 - Tampulma

⁷ Ba funɛ zimu di Koosa funɛ kpa o laaboor weri ti a du mu nin ni a nyɛ ba naa vɛ ya Ju tim ni. O gbanko funɛ kpa o laaboor weri ti a du Pita nin ni a nyɛ ba naa ya Ju tim ni.

Gal. 2:7 Marejeleo ya Msalaba

Tuma 15:12

Pita funɛ sɛm peti, ba maga fun moori di ba nu Barnabas awa Pɔɔl wati. Ba fun ŋɔ ba chenani Koosa fun suŋi ba ba tum tum zene awa alaazibu tuma a nyɛ ba naa vɛ ya Ju tim ni.

Tuma 18:6

Ju tim ta wa fun la nɔɔni a nu chenani o biksi ba chen a sɛm sɛm tagna a du un ni. Pɔɔl fun burgi o gantɛl a chak ba a ŋɔ ba, “Koosa na ma galimsa a ta ma yɔri a li ma nɛɛ. O wa li min ni. Saha nɔ kpa la n wa zi bu biksi ma. Mu ka zi la biksi ba naa vɛ ya Ju tim tau.”

Tuma 28:28

Pɔɔl fun bukoo ŋɔ ba, “Mu daŋni ma zimu di ba naa vɛ ya Ju tima na nyinbaanu di ba nu Koosa laaboor weri ti di o daŋni o yisi bau a li ba tum tagna ni ba tiŋ un. Ba nidamata zi nu unu.” ((

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 11:13

Ma naa vɛ ya Ju tima, maa nu mu wati lalaknɔ. Chenani Koosa nyɛ mu ya o nitumi di muu biksi ma o wɛ ya mu jirima kin.

1 Kɔr. 9:17

O fu ya mu titi tutɔrɛ mu biksi nan, o fu deŋlu wa mu la nyɔɔra a niu. Amaa Koosa funɛ kpa o laaboor weri ti a du mu nin ni a ŋɔ di mu kpa un aa nyɛ nara ni. Adaha mu laata kpa mu titi aa tum nan ni.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Gal. 1:18

Bunsa tora gantɛl ni, mu fun kaali Jɛrusalɛm di mu la na Pita, a nyɛn o wati wuzu fidanyuu,

Gal. 1:6

Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

Gal. 2:11

Wuzu bilɛ Pita fun wa dooni. O funɛ nyɛn doon chene, mu fun a fiksi un gbampulim ni di mu na o galimsau.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

2 Pita 3:15

Ma lisi chenani ya kunyan ti nyɛ narawa nyinbaan lalaknɔ di ba gil ba tum tagna aa tiŋ un. Koosa funɛ kpa o zimarɛ a nyɛ ya niinbe daŋni Pɔɔl ni o fun sɔbi chen wɛ a nyɛ ma.