Gal. 2:5 - Tampulma

⁵ Ya wa ba wa fun la nɔɔni hali tama, chen ni ya zi kotiu a kpak Koosa laaboor weri naa ma piin nu wuti.

Gal. 2:5 Marejeleo ya Msalaba

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Gal. 1:6

Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Gal. 4:16

Mu funɛ biksi ma wa wuti ni. Chen nyɛ mu ya ma dɔm lalaknɔɔ?

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.