Gal. 2:16 - Tampulma

¹⁶ Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Gal. 2:16 Marejeleo ya Msalaba

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Room 1:17

Koosa biksi yau gbampulim ni a li o laaboor weri ti ni chenani o zi bu vɛ na nibinsa galimsa o wati. Chenani nibinsa se duŋduŋ su un nyɛ o tum chen. Ba fun sɔbi chen wɛ a li o sɛm tɔn ti ni saha digi a ŋɔ, “Nara se su Koosa, o wa zi bu na ba galimsa o wati a kpa o mi fali a nyɛ ba.”

Room 3:30

Koosa bɛgim duŋduŋ nyɛnɛɛ. Ju tim ta nyɛ ba se su Yesu Kristo, o wa zi bu na ba galimsa. Ba naa vɛ ya Ju tima nyɛ ba se su un, Koosa gbanko wa zi na ba galimsa.

Room 4:2

Koosa wa fun bu na Abraham galimsa o tum were daha, o fu zi pɛgi o titiu. Amaa o fu wa zi pɛgi o titi Koosa suwachak ni.

Room 4:24

O funɛ ya ya gbanko daharɛ ba fun sɔbi chen. Ya se su Koosa naa funɛ lɛli ya kunyana Yesu Kristo a li o sou ni. Chendaha o gbanko wa zi bu na ya galimsa.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 9:30

Tɔ. Yɛrɛ ya zi sɛm? Ba naa vɛ ya Ju tima wa funɛ dɛu di Koosa wa zi bu na ba galimsa o wati. Amaa ba se funɛ su un. Chendaha o fun ya chen.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Gal. 4:5

O funɛ ya chene di o la nara ba naa chiksɛ ta dɔ, nyuuna a nyɛ ba, chen ni Koosa zi kotiu a kpa ba a burgi o titi bisa.

Gal. 5:4

Ma naa la kpaŋi ma titi di maa tiŋ Koosa chiksɛ ta, chen ni o wa zi bu na ma galimsa, ma waa la vɛ Kristo. Chendaha Koosa vɛ koti a suŋi ma hali tama.

Filip. Tima 3:9

Mu daŋni di o wa min zi burgi nibɛgimnɛ hali o wa peti. Mu funɛ tiŋ Koosa chiksɛ ta, o ha funɛ vɛɛn na mu galimsau. Lalaknɔ mu si su Kristo, Koosa wa bu na mu galimsa.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.