Ɛfɛ. 6:24 - Tampulma

²⁴ Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Ɛfɛ. 6:24 Marejeleo ya Msalaba

Mat. 22:37

Yesu fun ŋɔ un, “ ‘Maa daŋni Koosa wa ma bambe ni awa ma siima awa ma lise maga ni.’

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

2 Kɔr. 13:14

Koosa naa la daŋni ma, awa ya kunyan Yesu Kristo naa la suŋi ma, awa Koosa siim weri naa nyɛ ma ya nɔ bɛgim wa dɔŋ ni, ba maga zi nyɛn ma niu.

2 Kɔr. 8:12

Ma daŋni kinkan di ma lisi a li ma kin ta ni a nyɛ nara ni, Koosa zi la ma papahau. O bak wa to kin naa ma vɛ koti a nyɛ ba. O baga nyɛnu di ma kpa nyɛ ba chenani ma koti.

2 Kɔr. 8:8

Mu wara daŋni mu ŋɔ ma chenani ma zi ya, amaa mu piin ŋɔ mau chenani ba naa nyɛn Masɛdonia pulum ni fun kpak un ba bambe ni ba suŋi ba dɔŋtima kinkan. Mu daŋni mu zaamsi mau a na ma daŋni ma dɔŋtim tau a chi chenani ba daŋni ba.

Ɛfɛ. 6:23

Ya kunyan Koosa awa ya kunyan Yesu Kristo zi suŋi mau awa ma dɔŋtima maga di ma se su ba nɛnɛ, chen ni ma zi kpak nɔ bɛgimu a kidaŋni dɔŋa kinkan.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

2 Tim. 4:22

Ya kunyan ti zi nyɛn i watiu. Koosa kisuŋi ma maga.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

Tait. 3:15

Ba naa maga nyɛn mu wati zaami hinu. Ya gbanko zaami ba naa maga tiŋ Yesu a la daŋni ya a nyɛn i watiu. Koosa la zi suŋi ma maga.

Ju 13:25

Koosa suŋi ma maga.