Ɛfɛ. 6:12 - Tampulma

¹² Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.

Ɛfɛ. 6:12 Marejeleo ya Msalaba

Mat. 16:17

Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.

Maak 4:19

amaa ba tɛɛnɛ nɔ wi yaalɛ awa ba malɛ daŋni kinkan awa ba wi lise maga wa zu ba bambe ni a chɔk laaboor weri ti, chen ni o wa kikoti a lul ba tusa ni.

Luk 13:24

“Koosa koor ti bulzɔɔnɔ fɛmɛu. Ma kpaŋi ma titi kinkan a la zu dooni. Nidamata daŋni ba zu unu, amaa ba wa koti.

Luk 22:53

N yaa fun kaniu a biksi nara a li Koosa bar jɛɛmi dam ti ni ka ma vɛ wa kpak min. Sintana, naa nyɛn birsi ni, kpok ma kpa wa di ma wa kpak min.”

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 16:11

Koosa fun piin na sintana naa dɔ tɛɛnɛ nɔ tim maga, galimsa a ha vɛ ta un yɔri. Kin namawa Koosa siim weri ti kaa wa biksi ba.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Room 8:38

Mu kpak bambi kinkanu di sou awa miisa wa malaika were wa kitagna kpok wa kin nawara la ya lalaknɔ wa kin nawara la zi wa ya,

1 Kɔr. 15:50

Mu niinbisa, ma nyɛ mu ŋɔ ma nan. Ya bara titi wa kikoti a zu Koosa koor ti ni. Kinkin naa la zi wa pɔ wa kikoti a wa nyɛn doonani kin naa vɛ pɔɔli ni.

2 Kɔr. 11:14

Hali sintana gbanko koti a chɛrgi o titi, chen ni nara zi lisiu di o ya Koosa malaikasi ta nichaani digirɛ.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Ɛfɛ. 1:21

Yesu Kristo nyɛn dooni lalaknɔ a dɔ siim kpoka awa kpok maga a naa nyɛn Koosa tɔhɔn ti ni awa tɛɛnɛ nɔ maga ni awa tɛɛnɛ nɔ naa la wa nan ni.

Ɛfɛ. 1:3

Koosa naa ya ya kunyan Yesu Kristo nyana, waa funɛ kpa o papaha a naa nyɛn ya wa un bambaan ni a nyɛ ya, domi ya wa Yesu Kristo ya nibɛgimnɛ. Ma nyɛ ya pɛgi Koosa chenani o fun tum chen ni.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Ɛfɛ. 3:10

a kpa a li gbampulim lalaknɔ, chen ni Koosa nitiŋɛ ta zi biksi siim kpoka awa kpok a naa maga nyɛn o tɔhɔn ti niu chenani o zima ti tum a kurgi.

Kɔl. 1:13

O fun a yisi ya a li sintana naa nyɛn birsi ni, nin awa kpok ni, a kpa ya a la du o be daŋni koor ti ni.

Kɔl. 2:15

Yesu funɛ sou a li o daakakli ti ni, o fun a chɔk alizin tagna maga kpok a fun kpa a a li gbampulim, chen ni nara zi wa zimu di a ya yɔrirɛ lalaknɔ.

2 Tim. 2:5

Nar awa o dɔŋtima chɔ chɔchɔha a daŋni o di, o lawa o tiŋ ba nihɛɛti nɔu.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Ju 12:4

Ma funɛ kpak unu a li ma bambe ni di ma vɛ tum tagna, amaa hali wa zinan nandigi wara daŋni o kpu ma chen daha.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.