Ɛfɛ. 6:11 - Tampulma

¹¹ Ma nyini o kpok naa Koosa fun kpa nyɛ ma se ni, sintana wa zi koti a wa mur ma.

Ɛfɛ. 6:11 Marejeleo ya Msalaba

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Room 13:12

O chi dusum la daŋni o peti, ka chɔɔsa pisa dugli. Ma nyɛ ya gil ya tum tagna a naa chi dusum a ta aa nyɛ ya tum tum were a naa chi nha.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

2 Kɔr. 10:4

Ya wara nyini ya titi kpok se nee, amaa Koosa kpa o kpok ti a nyɛ ya, chen ni ya zi chiŋiu a du nibiksɛ ba naa vɛ nu Koosa laaboor weri ti, biksi ni,

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 2:11

Ya zim chenani sintana tumu saha maga. Chendaha ma zer chen nyinbaan o wa kikoti a nyaŋi ma.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 6:7

a la biksi nara wa wuti a li Koosa kpok ti ni, a nama maga biksi nara di ya ya o tumtumsiwa. Ya chi lanjimasiwa. Koosa nyɛ ya tum tum were a nyɛ un, chen ni ya zi koti a yo ya dɔmau a kok ya titi.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Ɛfɛ. 4:24

Ma suwachak tuha wɛ a naa Koosa fun kpa a nyɛ ma, a waa la zi nyɛ ma wa chi un. Koosa ya wuti tiina awa tu chaan tiina a la tum tum were saha maga.

Ɛfɛ. 6:13

Ma kpak Koosa kpok ti nɛnɛ, chen ni sintana wa wa di o wa kpak ma, ma zi koti a nyaŋi unu hali o wa peti.

Kɔl. 3:10

Lalaknɔwa ma kpak ma suwachak tuhu kin a naa Koosa fun kpa a nyɛ ma. A chi o titi kinawa. Waa la kɔɔri a saha maga, chen ni ma zi kotiu a zim un hali o wa peti.

1 Tɛs. 5:8

Ya chi fitin tima, ma ta nyɛ ya dɛɛsi chen. Ma nyɛ ya se suuli a kidaŋni nara a kpak bambi bɛgim di Koosa zi yisi yau a li ya tum tagna ni hali a wa peti. Ya ya chen ni, sintana wa zi nyaŋi ya.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

Jems 4:7

Adaha ma kpa ma bambe a du Koosa ni. Maa vɛ sintana, ka o zi chɔ a li ma ni.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 2:24

“Ma naa nyɛn Tiataya ni a vɛ tiŋ sintana wu sogle naa o biksi nara, mu daŋni ma duŋduŋnɛ kpak mu wuti biksi ti hali mu wa bur wa. Mu wa ŋɔ ma di ma bu ya wu digi.