Ɛfɛ. 4:15 - Tampulma

¹⁵ O lawa ya mak nibaalu, chen ni ba wa zi bu muksi ya. Yesu Kristo ya ya nyuhu tiina. Ma nyɛ yaa daŋni dɔŋa a kisɛm dɔŋa wa wuti. Ya ya chen a gbaari, ya zi chi unu.

Ɛfɛ. 4:15 Marejeleo ya Msalaba

Jɔn 1:47

Ba funɛ wa dugli Yesu, o fun ŋɔ ba naa nyɛn o wati, “Maa na Ju tim baal nɔ la wa di o wa na min. O ya wuti tiinnɛ kinkan.”

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

1 Kɔr. 11:3

Mu daŋni ma zimu di Kristo ya nibaal nyuhu tiina ka nibaal ka ya o haan nyuhu tiina. Koosa gbanko ka ya Kristo nyuhu tiina.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 8:8

Mu wara daŋni mu ŋɔ ma chenani ma zi ya, amaa mu piin ŋɔ mau chenani ba naa nyɛn Masɛdonia pulum ni fun kpak un ba bambe ni ba suŋi ba dɔŋtima kinkan. Mu daŋni mu zaamsi mau a na ma daŋni ma dɔŋtim tau a chi chenani ba daŋni ba.

Ɛfɛ. 1:22

Koosa funɛ nyɛ o ya kina maga koora awa ba naa tiŋ un nyuhu tiina.

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

Ɛfɛ. 2:21

Koosa funɛ kpa ya a gbaari Yesu Kristo ni a sa dɛ ti o wer Koosa wati o nyɛn.

Ɛfɛ. 4:25

O chi ma maga ya Yesu Kristo bara luk pɛksiwa. Chendaha ma ta suni wɛ a nyɛ dɔŋ ni. Ma ka sɛm wuti sɛma a nyɛ ma dɔŋtim ni.

Ɛfɛ. 5:23

Nibaal ya o haan nyuhu tiina, a chi chenani Yesu Kristo ya o nitiŋɛ ta nyuhu tiin chen. O funɛ yisi ba a li ba tum tagna ni chen. Ba waa chi o bara.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.