Ɛfɛ. 3:19 - Tampulma

¹⁹ Mu daŋni ma wa zim chenani Yesu Kristo daŋni ya chenu. O daŋni yau hali ya vɛ koti a zim a la peti, amaa mu daŋni o daŋni ti siu ma ni, chen ni ma zi weru o chi Koosa wer chen.

Ɛfɛ. 3:19 Marejeleo ya Msalaba

Mat. 5:6

Ba naa yaa kpak un ba bambe ni di ba tum chenani Koosa daŋni di ba tum, o zi suŋi bau a nyɛ ba tu sɔɔna.

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Room 8:35

Anti la zi waligi ya a li chenani Kristo daŋni ya? Namsi awa muksi kinkan wa lɔsa wa fara wa bar tagna wa kpuuli, kin nama wa kikoti a waligi ya a li chenani Kristo daŋni ya ni.

Room 8:39

wa buudaha kina wa tɛɛnɛ nɔ maga kina, wa kin nawara maga Koosa fun naami, kin nama wa kikoti a waligi ya a li chenani Koosa daŋni ya, domi ya wa ya kunyana Yesu Kristo ya nibɛgimnɛ.

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.

Ɛfɛ. 3:18

chen ni ma wa Koosa nara maga zi kotiu a zim chenani Yesu Kristo daŋni ya a kaali a maga.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Ɛfɛ. 5:25

Nibaala, maa daŋni ma haanasa, a chi chenani Yesu Kristo daŋni ba naa la tiŋ un. Hali o fun sou ba daha.

Filip. Tima 1:7

Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.

Filip. Tima 4:7

Koosa nyɛ ma bara sɔɔni kinkan. Chen zi nyɛn ma bambe awa ma lise niu domi ma wa Yesu Kristo ya nibɛgimnɛ. Chenani o ya chen kaali chenani ya zim.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

1 Pita 1:8

Ma ha wa na un, amaa maa daŋni unu ka ma se su un. Chendaha Koosa piin nyɛ ma tu sɔɔna hali a la gali.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.