Ɛfɛ. 2:15 - Tampulma

¹⁵ O fun nyɛ chiksɛ naa Koosa fun nyɛ Ju tim ta ni chen peti, chen ni o zi lagmi Ju tim ta awa ba naa vɛ ya Ju tima ba burgi lul bɛgim o wati. Ba wa zi bu ya dɔma.

Ɛfɛ. 2:15 Marejeleo ya Msalaba

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Gal. 6:15

Koosa baga wa to di nara teŋsi dɔŋa koo ba wa teŋsi. O baga ka nyɛnu di o kɔɔri ma ma ya nibin falɛ.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

Ɛfɛ. 2:14

Ju tima awa ba naa vɛ ya Ju tima wa kpak wu digi wa dɔŋ ni. O chi chechepure purige ba dɔŋ ni ba ya dɔma. Yesu Kristo funɛ sou ya daha, o chi o funɛ zak chechepure tire a lɔ a nyɛ Ju tima awa ba naa vɛ ya Ju tima ya nɔ bɛgim.

Ɛfɛ. 2:16

Yesu Kristo funɛ sou a li o daakakli ti ni, o fun lagmi ba dɔŋ ni a nyɛ ba wa Koosa ya nɔ bɛgim. O fun kpa chenani ba fun te ha dɔŋa a yo ta.

Ɛfɛ. 4:16

Ya chi o bara luk pɛksiwa. Waa nyɛ o bara kpok a li boma naa chomse ya ni. Ya maga tum nɛnɛ a la daŋni dɔŋa aa tiŋ un nɛnɛ a gbaari, o bara zi na alaafɛu.

Kɔl. 2:14

Chiksɛ naa ya fun chɔk awa tum tagna naa ya fun tum ka Koosa fun sɔbi a a du o tɔn ni, o fun duŋni a a ta. O chi o funɛ kpa au a kpaasi mari Kristo daakakli ti ni.

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,

Kɔl. 3:10

Lalaknɔwa ma kpak ma suwachak tuhu kin a naa Koosa fun kpa a nyɛ ma. A chi o titi kinawa. Waa la kɔɔri a saha maga, chen ni ma zi kotiu a zim un hali o wa peti.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

Kɔl. 3:15

Ma nyɛ Kristo nyɛ ma bara sɔɔna a dɔ ma. Koosa fun a yir ma di ma maga kpak o bara sɔɔna, chen ni ma wa un zi ya bar bɛgimu. Nan daha maa zaami Koosa saha maga.

Ju 7:16

Nibinsa wa fun lisi un di o ya Koosa dam kɔkɔɔra. Kpok naa li o miisa naa vɛ kpak bɔ ni nyɛ o du chen.

Ju 8:13

Koosa funɛ ŋɔ di o wa o nara zi bu ya nɔ bɛgimu, o biksi ya di chenani o wa ba fun te tum fun burgi kibuni. Kin naa maga la burgi kibunɛ a gbaari zi ya yɔriu lalaga.

Ju 9:23

Koosa lɛu ti awa kin naa maga nyɛn un ni funɛ ya Koosa tɔhɔn ti kina chamsirɛ. Chendaha Koosa fun ŋɔ ba di ba chaksi a chen. Chenani Yesu fun sou a chaksi Koosa tɔhɔn ti kina kaali sela chɛl ti kinkan.