Kɔl. 4:10 - Tampulma

¹⁰ Ba fun tɔ min awa baal digi dɛ. O sɔn ya Aristakus. O wa Maak, Barnabas niinbe, zaami mau. Mu funɛ te ŋɔ ma Maak wɛu. O wa wa ma wati, ma la un du.

Kɔl. 4:10 Marejeleo ya Msalaba

Tuma 12:12

O funɛ vaan zim chenani yɛɛ, o fun kaali Mɛri, Jɔn Maak niina, dama. Yesu nitiŋɛ ta nidamata funɛ lagmi dooni a sumi Koosa aa nyɛ un.

Tuma 12:25

Barnabas awa Sɔɔl funɛ kpa Yesu nitiŋɛ ba naa funɛ nyɛn Antiɔk ni, malɛ a du Yesu nitiŋɛ ba naa nyɛn Jɛrusalɛm ni, nihɛɛti ta nin ni. Doone Barnabas awa Sɔɔl fun kpa Jɔn Maak a gbaari ba ni a kaali Antiɔk.

Tuma 13:13

Pɔɔl awa o dɔŋtima fun la zu arŋa a li Pafɔs ni a la tel tɔhɔn naa ba yir Pɛɛga a li Pamfilia pulum ni. Doonee Jɔn Maak fun ta ba a bur kaali Jɛrusalɛm.

Tuma 13:5

Ba fun tum chenani o sɛm ba a kpa Jɔn Maak a gbaari ba titi ni. Ba funɛ la tel tɔhɔn naa ba yir Salamis a li Saiprus pulum ni, ba fun gba a zu Ju tim ta bar lagmi dɛɛna aa biksi ba Koosa laaboor weri ti.

Tuma 19:29

Ba fun li a tɛsi a go tɔhɔn tuha a chi chenani ba fa te tɛsi chen a nyɛ tɔhɔn ti dam. Yesu nitiŋɛ ba naa nyɛn Masɛdonia pulum ni chen, nara balɛ wa Pɔɔl funɛ wa Ɛfɛsus. Ba sɔna funɛ ya Gaiyus awa Aristakus. Zɛmɛ ta fun kpaksi nara balɛ ta a ka Pɔɔl a chɔ kaali doonani tɔhɔn ti tima yaa lagmi.

Tuma 20:4

Nara banɔpɛ awa Pɔɔl funɛ te ya suwachak a la pɔ ya Troas ni. Ba sɔna funɛ ya Sopata, Pirus be a li Bɛrɛa ni, Aristakus awa Sɛkundus a li Tɛsalɔnika ni, Gaiyus a li Dɛɛbɛ ni, Taikikus awa Trofimus a li Azia pulum ni, awa Timoti.

Tuma 27:2

Ya fun la zu arŋa naa la daŋni o si a la Azia pulum ni nɔ a kaali. O funɛ li tɔhɔn naa ba yir Adramitiumnɛ. Baal naa ba funɛ yir Aristakus funɛ gbaari ya ni. O funɛ li Tɛsalɔnika naa nyɛn Masɛdonia pulum nɛɛ.

Tuma 4:36

Ba nidigi sɔn funɛ ya Josɛf. Nitumɛ ta gbanko funɛ yir un Barnabas. Barnabas ti mun ya, ‘naa la kpami nara’. O funɛ li lul naa ba yir Livai nɛɛ a li pulum ni gore. Ba yir dooni Saiprus.

Room 16:2

O wa pu ma, ma la un a du ya kunyan ti daha. O deŋlu di Koosa nara kiya chen. O funɛ suŋi nidamatau a suŋi min gbanko. Chendaha ma suŋi un wa kin naa o vɛ kpaki ni.

Room 16:7

awa Andrɔnikus awa Junias ba naa wa min ba fun tɔ dɛ chen. Ba ya Ju timwa a chi min. Ba se funɛ te min a su Yesu, ka Koosa nitumɛ ta nyɛ ba jirima.

2 Tim. 4:11

Mu gbanko tum Tikikus Ɛfɛsus ni. Luk duŋduŋ nyɛn mu wati. I wa Maak kuwa mu wati, domi waa kote a suŋi min a li mu tum ni.

Faili. 1:23

Ɛpafras naa nyɛn mu wati dɛ nɔ ni domi o si su Yesu Kristo, o zaami hinu.

Faili. 1:24

Maak, Aristakus, Dimas awa Luk gbanko zaami hinu. Ba wa min la tum Koosa tuma.

1 Pita 5:13

Yesu nitiŋɛ ba naa Koosa fun lisi a nyɛ o titi ni a li Room ni, zaami mau. Mu niinbe, Maak, gbanko zaami mau.