Kɔl. 3:5 - Tampulma

⁵ Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

Kɔl. 3:5 Marejeleo ya Msalaba

Mat. 15:19

Kinkin naa nyɛn ba tusa ni, nyɛ nibinsa lisi wu tagna a la tum chɔkumsi tuma awa sakaal tuma, a la kpu nara a la ŋmɛ a la suni wɛ a la chɔk nara sɔna.

Room 1:26

Koosa fun kpa ba a ta di ba tiŋ ba titi daŋnɛ naa nyɛ ba na hiisa. Hali ba nihaana fun vɛ di ba wa nibaala wa zi chɔ aa la chɔ dɔŋa.

Room 1:29

a la tum tum tagna damata a ya se tima, a kpak handɔta wa dɔŋa a la kpu nara a la yo dɔŋa la mur ba dɔŋtima a ha dɔŋa kinkan, a la lɔ nara gantɛl,

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

Room 7:23

amaa mu zimu di mu bara kuru aa yo mu bambi lise a kpak min, chen ni mu zi la nɔɔniu a tum mu bara tum tagna.

Room 7:5

Ya funɛ tiŋ ya gantɛl tuha kinawa, chiksɛ ta kpa kpok a nyɛ ya titi daŋnɛ ni di ya tiŋ a. Ba naa maga tiŋ chen, Koosa zi ta ba yɔriu,

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

1 Kɔr. 5:1

Mu nuu ka ba ŋɔ min di maa tum chɔkumsi tumiwa. Ma nidigi funɛ kpa o nyan haan a la chɔ. Hali ba naa vɛ zim Koosa chi chenu.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

1 Kɔr. 6:13

Ma bɔnɛ gbanko sɛm dɔŋ ni, “Lo daha diwe nyɛn. Diili daha lo gbanko nyɛn.” Amaa wuzu digi Koosa zi wa chɔk a magau. Ya bara wa nyɛn chɔkumsa tuma daharɛ. Ya kunyan daharɛ a nyɛn. Ya kunyan ti gbanko dɔ ya bara di ya kpa a aa tum a nyɛ un.

1 Kɔr. 6:18

Adaha ma chɔ li doonani chɔkumsi nyɛn. Wu tagin maga naa nara tum, a wa ya ba barawa baa ya chen. Amaa nibine naa la daŋni nihaana yɔri yɔri, o chɔk o titi barawa.

2 Kɔr. 12:21

O muksi minu mu wa wa ma wati, Koosa zi nyɛ mu na hiisau ma daha. Mu tuha zi chɔku kinkan domi ma nidamata wa zi gil ma chɔkumsa tuma awa ma sakaal tuma awa ma tum doŋa kinkan a bur wa tiŋ Koosa.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 4:19

Saha maga ba yaa tum chɔkumsi tuma awa doŋ tumwa aa ya se tima. Ba galɛ hiisa naali niu.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

1 Tɛs. 4:3

Koosa daŋni maa tum tum were duŋduŋnɛ a gil chɔkumsi tuma maga hali o wa peti.

1 Tɛs. 4:5

Ma ta daŋni nihaana yɔri yɔri a chi ba naa vɛ zim Koosa.

1 Tim. 6:10

Domi tum tagna damata li malɛ daŋni nɛɛ. Bɔnɛ kpak a ba bambe nee kinkan di ba na malɛ a la bur Koosa nyinbaan ni. Chen nyɛ ba tusa chɔk kinkan.

Ju 12:16

Ma doso ma ta tum chɔkumsa tuma akoo a tiŋ a chi Isɔ funɛ tiŋ saha digi chen. Waa funɛ ya o nyan bi hɛɛ a vɛ zim Koosa a yogli o nyan kin naa maga a kpa malɛ a la yau diwe bɛgim.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

Ju 13:5

Ma ta daŋni ma ya malɛ tima. Ma nyɛ kin naa ma kpak sɔɔni ma tusa. Ba fun a sɔbi a li Koosa sɛm tɔn ti ni di o ŋɔ, “Mu wa zi kut gil ma a ta.”

Jems 4:1

Yɛrɛ maa yo dɔŋa aa la muksi dɔŋa saha maga? Ma titi daŋni nɛɛ maa yo dɔŋa.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.