Kɔl. 3:25 - Tampulma

²⁵ Ba naa la tum tum tagna, ba zi wa na bɔ tau a li ba tum tagna tumi ni. Koosa wa zi wa bɔ ba naa la tum tum tagna bɔnɛ a ka bɔnɛ.

Kɔl. 3:25 Marejeleo ya Msalaba

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Luk 20:21

Ba fun ŋɔ Yesu ni, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Tuma 10:34

Doone Pita fun ŋɔ ba, “Lalaknɔwa mu zim di o ya wutirɛ di Koosa wara daŋni digi a ka digi.

Room 2:11

Koosa wara daŋni bɔnɛ a kaali bɔnɛ.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Ɛfɛ. 6:8

Ma zimu di ma ya nibin hiise akoo ma ya yosa a tum tum were a nyɛ un, o zi wa bɔ ma chimu.

Ɛfɛ. 6:9

Kunyama, ma lisi di ma wa ma yosa kpak kunyana bɛgimnɛ ka o nyɛn Koosa tɔhɔn ti ni. Chendaha o lawa ma dɛɛsi ba nɛnɛ a ta hɔɔsi ba. Koosa wara daŋni bɔnɛ a kaali bɔnɛ.

Kɔl. 4:1

Ma naa kpak yosa, ma ya nɛnɛ a nyɛ ba. Ma lisi di ma kunyan ti nyɛn a li Koosa tɔhɔn ti ni.

1 Tɛs. 4:6

Nandigi ta daŋni o dɔŋtiin haan, akoo fuksi un. Nar la ya nan, o tum tum taginnɛ a nyɛ un. Ya funɛ piin ŋɔ mau kin na wɛu a tɛ ma nin kinkan di ba naa la tum tum tagna nan, Koosa zi wa lɛrgi ba diŋsau a ta ba yɔri.

2 Tɛs. 1:6

Koosa ya wuti tiina. Ya kunyan Yesu awa o malaikasa ba naa chi di a kpak kpok, wa li Koosa tɔhɔn ti a wa, o zi nyɛ ma namsi ti awa ya namsi petiu a kpa namsi ti a du ba naa la namsi ma chen ni.

Faili. 1:18

O chɔk i kundɔŋ akoo o pɛŋ i malɛ, ŋɔ min mu bɔ hin.

Ju 2:2

Ma zim chenani Koosa malaikasi ta fun a kpa o wuti chiksɛ a nyɛ Mosis ni saha digi. Ba naa maga tum tum tagna a vɛ tiŋ o nɔ, Koosa fun na ba galimsa a lɛrgi ba diŋsa. O funɛ deŋliu di o ya chen.

1 Pita 1:17

Maa sumi Koosa, ma yir un mu nyana. Wuzu digi o zi wa di nibinsa maga sɛriau a li ba tuma ni. O wara daŋni bɔnɛ aa gil bɔnɛ. Chendaha wuzuna a naa kaɛɛ nan, ma nyɛ un jirima kinkan.

Juud 1:16

Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.