Kɔl. 3:22 - Tampulma

²² Yosa, maa tiŋ ma kunyama nɔɔna a li kina maga ni. Ma ta tum kinkan a li ba se duŋduŋ ni, amaa maa tum ma bambe ni saha maga, domi ma nyɛ ya kunyan Yesu jirimarɛ.

Kɔl. 3:22 Marejeleo ya Msalaba

Mat. 6:22

“Ma se nyɛ ma bara la doonani ma daŋni. Ma se weree ma zi na nyinbaanu. Chen vɛɛna, ma tusa weree, ma zi tiŋ Koosa nyinbaanu nɛnɛ,

Mat. 8:9

N kpak nihɛɛ zeneu ba naa la zi ŋɔ min chenani mu tumu. N gbanko kpak lanjimasa ba naa n zi ŋɔ di ba tum tumau. N yaa ŋɔ digi ni di o la. O kaali. N yaa ŋɔ digi ni, kuwa. O wa. N yaa ŋɔ n yom ni, tum nan. O tum chen.”

Luk 6:46

“Yɛrɛ maa yir min ‘ma kunyana’ a vɛ tum chenani mu ŋɔ ma?

Luk 7:8

O kpak nihɛɛ zeneu ba naa la zi ŋɔ un chenani o zi tumu. O gbanko kpak lanjimasa ba naa o zi ŋɔ di ba tum tumau. O yaa ŋɔ digi ni di o la. O kaali. O yaa ŋɔ digi ni, kuwa. O wa. O yaa ŋɔ o yom ni, tum nan. O tum chen.”

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Kɔl. 3:20

Bichɛsa, maa tiŋ ma nyama awa ma numa nɔɔna a li kina maga ni, chen ni ma zi sɔɔni ya kunyan ti tuhau.

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

Faili. 1:16

Lalaknɔ o wa bu ya yoma kinkan. O ya ya niinbe daŋnirɛ. Mu daŋni unu kinkan. Lalaknɔ i zi daŋni unu a kaali min domi o ya i yomne ka o si su ya kunyana.