Kɔl. 3:16 - Tampulma

¹⁶ Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

Kɔl. 3:16 Marejeleo ya Msalaba

Mat. 26:30

Ba funɛ di diwe ta peti, ba fun lɔ bool a nyɛ Koosa ni a si a li kaali Ɔlif bi ti nyuha.

Luk 2:51

Yesu wa ba fun a bur kaali Nazarɛt. Dooni o fun tiŋ ba nɔ. O niin ti fun kpa chenani maga yɛɛ a du o bambi ni.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

Room 10:17

Nara funɛ wa biksi ya Koosa laaboor weri ti wɛ. Waa ya Kristo wɛ. Ya funɛ nu un, chen nyɛ ya se su un.

Room 15:14

Mu niinbisa, mu kpak bambiu di ma ya nibin werewa kinkan a kpak zima nɛnɛ a koti aa biksi dɔŋa.

1 Kɔr. 14:15

Yɛrɛ mu kaa ya? Mu zi sumiu awa mu siim ti ni a sumi awa mu bambi gbanko ni. Mu zi lɔ boolau awa mu siim ti ni, a lɔ wa mu bambi gbanko ni.

1 Kɔr. 14:26

Mu niinbisa, yɛrɛ mu zi bu a chiksi ma maa zim? Ma wa lagmi dɔŋ ni, ma nibɛgim yaa lisi Koosa pɛgi boola maa lɔ, digi biksi ma, digi ka biksi sɛm sogle naa Koosa biksi un, muna, digi ka sɛm sɛm kurgɛ, ka digi ka biksi a muna. Ma nyɛ a nama maga maa ya chen kisuŋi dɔŋa.

Ɛfɛ. 1:17

chen ni naa ya ya kunyan Yesu Kristo nyana a kpak jirima kinkan, o zi kpa o zimau a nyɛ ma a biksi ma a biksi ma o titi wɛ gbampulim ni, chen ni ma zi zim unu nɛnɛ.

Ɛfɛ. 5:17

Ma ta chi womna, amaa ma dɛu chenani Koosa daŋni ma tum a nyɛ un.

Ɛfɛ. 5:19

Maa lɔ boola naa Koosa siim weri ti nyɛ ma aa kipɛgi Koosa ma bambe ni saha maga.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Kɔl. 1:9

O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.

Kɔl. 4:6

Maa doso chenani ma sɛm a nyɛ nara ni, chen ni ma sɛm maga zi weru a lɛm. Nar pɛɛsi ma wu digi, o lawa ma kotiu a ŋɔ un nɛnɛ.

1 Tɛs. 1:8

Ma waa funɛ kpa Yesu laaboor weri ti a wa ŋɔ ba o wɛ, ba naa nyɛn bawu maga ni funɛ nu ma wɛu di ma se su Koosa. Ya wa bur a daŋni ya sɛm kinkan.

1 Tɛs. 4:18

Ma ŋɔ laaboor weri nɔ a nyɛ dɔŋ ni aa kibelimi dɔŋa.

2 Tɛs. 3:15

Ma ta ya un a chi o ya ma dɔmnɛ, amaa ma kpaŋi a burgi o nyuha o tiŋ nyinbaan ti a chi ma niinbe.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

2 Tim. 3:15

I gban funɛ zim Koosa sɛm tɔn tiu a li i bichɛsi ni. Waa funɛ koti a nyɛ i si su Yesu Kristo, chen ni o zi yisi hinu a li i tum tagna ni.

Tait. 3:6

Yesu Kristo funɛ sou ya daharɛ. Chendaha Koosa fun koti a kpa o siim weri ti a du ya ni a kaali chenani o daŋni.

Jems 1:5

Zima pɔɔgi ma bɔnɛ, ma sumi Koosa o kpa o zima ti a nyɛ ma. Waa kpa kina a nyɛ nara maga ni a kaali chenani o daŋni a vɛ zɛɛmi ba.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

Jems 5:13

Nandigi nyɛn ma ni a namsiuu? O sumi Koosa. Nandigi nyɛn ma ni a kpak tu sɔɔnauu? O lɔ boola a pɛgi Koosa.

1 Jɔn 2:14

Nibahɛɛta, ma waa piin zim naa funɛ nyɛn dooni a li piili ti niu. Bunɔɔna, mu sɔbi nannɛ a nyɛ ma domi ma kpak kpoku a vɛɛn kpak Koosa sɛma ma bambe gbanko ni. Chendaha ma fun nyaŋi sintana.

1 Jɔn 2:24

Ma ta suglɛ biksi naa ma fun te nu chen. Ma nyɛ chen nyɛn ma bambe ni, ma wa ya kunyana Koosa awa o be Yesu zi ya nibɛgimu.

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

2 Jɔn 1:2

domi wuti naa nyɛn ya maga bambe ni. Wuti ti zi kut nyɛnu hali a vɛ peti.

JɔnN Deesi 14:3

Ba naa wa piisi be ti funɛ chiŋi, ba se funɛ chem doonani Koosa jirima bar kani awa sela naasi ta wa nihɛɛta fumlɛ danaasi ta fun nyɛn, a lɔ bool fali. Kɔk di fumnaasi danaasi tusugsa ba naa piisi be ti fun lisi a li tɛɛnɛ nɔ tim maga, ba duŋduŋ funɛ koti a lɔ bool fali ti.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.