Kɔl. 3:13 - Tampulma

¹³ aa kisuŋi ba. Ma wa ma dɔŋtima vɛ dɔŋa, ma gil a nyɛ ba. Ya kunyan ti funɛ gil ma tum tagnau a nyɛ ma. Chendaha ma gbanko gil ma dɔŋtima tum tagna a nyɛ ba.

Kɔl. 3:13 Marejeleo ya Msalaba

Mat. 5:44

amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Mat. 6:12

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna. ((

Maak 11:25

Saha naa maga ma yaa wa daŋni ma sumi Koosa, ma yaa kilisi. Nandigi tum tum tagin a nyɛ ma, ma te gil o wu tagin a nyɛ un a kisumi Koosa.” ((

Luk 11:4

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna.’ ”

Luk 23:34

Ba funɛ tum chene, Yesu fun sumi Koosa a ŋɔ, “Nara nama wa zim chenani baa tum. Gil ba tum tagna a nyɛ ba.” Ba funɛ tum peti, ba fun kpa o gata a dau di ba yo walɛ di ba na anti kaa di a.

Room 15:7

Maa la dɔŋa a chi Kristo funɛ la ma chen. Ma ya chen, nara zi nyɛ Koosa wa jirimau.

2 Kɔr. 2:10

Ma gil a nyɛ nar ni, mu zi chiŋi ma gantɛl niu. Mu daŋni mu suŋi mau. Chendaha ma ya chen. O chi Kristo nyini chenani mu yarɛ.

2 Kɔr. 6:6

Chenani ya ya bambi chaanɛ tima a zim Koosa nɛnɛ a kpak kanyita wa nara ni a ya jɛrgɛ tima, a kpak o siim weri ti a li ya bambe ni a la daŋni ya dɔŋtima wa tu bɛgim ni,

Gal. 6:2

Maa suŋi dɔŋa a li ma tuma maga ni. Ma ya chen, ma zi tiŋ chenani Kristo fun a biksi yau.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

Jems 2:13

Saha naa Koosa wa kaa di ya sɛria, nar vɛ ɔm o dɔŋtiin siki, Koosa wa zi wa ɔm un siki. Chenani o kpak ya siki la zi nyɛ o ta na ya galimsa a ta ya yɔri.

1 Pita 2:21

Koosa funɛ yir mau di ma ya chen. Kristo titi funɛ namsiu ma daha a biksi ma chenani ma zi tum a chi o funɛ tum chen.