Kɔl. 3:11 - Tampulma

¹¹ Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

Kɔl. 3:11 Marejeleo ya Msalaba

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Jɔn 15:5

“Mu piin ŋɔ mau di mu chi bugil pum naa ba yir ‘vain’ chene. Ma chi mu hulsiwa. Ma wa min ya nibɛgim a nyɛn, ma zi kotiu a tum tum were kinkan a nyɛ min. Ma lisɛ ma titi a li min ni, ma wa kikoti a tum wu digi.

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Tuma 15:17

chen ni ba naa maga vɛ ya Ju tima mu fun lisi a nyɛ mu titi ni zi dɛu mu bar nyɛniu.

Tuma 28:2

Ba funɛ ya nibin werewa ya wati a la ya a du. Doon funɛ mi ka wa nyɛn. Chendaha ba fun biksi din di ya weeri.

Tuma 28:4

Ba naa funɛ nyɛn pulum ti ni fun na dum ti ka o gasi Pɔɔl nin ti. Ba fun ŋɔ dɔŋ ni, “Baal nɔ funɛ kpu nandigirɛ. Hali ni ti vɛ di un chen, amaa lalaknɔwa o na o nyɔɔra a zi sou.”

Room 1:14

Girik tima awa ba naa vɛ nɛɛgi, nɛha tima awa nyu bilim tima, o lawa mu biksi Koosa laaboor weri tiu a nyɛ ba maga ni.

Room 10:12

Koosa wara daŋni bɔnɛ a ka bɔnɛ. Ba naa ya Ju tima awa ba naa vɛ ya Ju tima, ba maga ya kibɛgimnɛ o wati. Ba maga kunyana yaa nu a la suŋi ba naa la yir o sɔn kinkan.

Room 3:22

Koosa wa bu a na ba naa maga se su Yesu Kristo galimsa.

Room 3:29

Ju tim ta duŋduŋ koti aa tiŋ Koosaa? Ba naa vɛ ya Ju tima, ba wa koti aa tiŋ unn? Ba gbanko kotiu.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 14:11

Amaa mu vɛ nu nandigi sɛma, o duuti mu ya womne o wati ka o gbanko duuti o ya womne mu wati.

1 Kɔr. 7:19

Ba teŋ un o ya yɔrirɛ. Ba vɛ teŋ un, chen gbanko ya yɔrirɛ. Amaa Koosa nɔ tiŋi ya wu birigi.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.

Ɛfɛ. 2:14

Ju tima awa ba naa vɛ ya Ju tima wa kpak wu digi wa dɔŋ ni. O chi chechepure purige ba dɔŋ ni ba ya dɔma. Yesu Kristo funɛ sou ya daha, o chi o funɛ zak chechepure tire a lɔ a nyɛ Ju tima awa ba naa vɛ ya Ju tima ya nɔ bɛgim.

Ɛfɛ. 2:15

O fun nyɛ chiksɛ naa Koosa fun nyɛ Ju tim ta ni chen peti, chen ni o zi lagmi Ju tim ta awa ba naa vɛ ya Ju tima ba burgi lul bɛgim o wati. Ba wa zi bu ya dɔma.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Ɛfɛ. 3:6

Ma nyɛ mu biksi ma a muna. Ba naa vɛ ya Ju tima nyɛ ba se su Koosa laaboor weri ti, ba wa Ju tim ta ya nɔ bɛgim a bɔni Koosa papaha naa o fun vɔu di o nyɛ Ju tim ta ni chen. Ba wa Yesu Kristo ya nibɛgimnɛ a zi la kin naa maga Koosa fun vɔu di o nyɛ ba naa se su Yesu Kristo ni.

Ɛfɛ. 6:8

Ma zimu di ma ya nibin hiise akoo ma ya yosa a tum tum were a nyɛ un, o zi wa bɔ ma chimu.

Kɔl. 2:10

Kristo ya kina maga kpok tiina. Ma wa un ya nibɛgimnɛ. Chendaha ma kpak o mi fali ti.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.