Kɔl. 3:1 - Tampulma

¹ Koosa funɛ lagmi lɛli ma wa Kristo a li ma sou ni. Chendaha ma nyɛ ma bambe kilisi Koosa tɔhɔn ti kina wɛ. Kristo kanɛ Koosa nihɛɛ bar kani ni dooni.

Kɔl. 3:1 Marejeleo ya Msalaba

Mat. 22:44

‘Mu kunyana Koosa funɛ ŋɔ mu kunyan ti ni, kani mu nihɛɛti bar kani ni, ka mu nyɛ i dɔma burgi i yosa.’

Mat. 26:64

Yesu fun ŋɔ, “Min ya un. Nyɛ mu ŋɔ hin di wuzu digi i zi wa na mu waa nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Mat. 6:20

Amaa ma ka kpa kidamata a chiŋsɛ a li Koosa tɔha ti ni. Chau awa doon wa zi wa chɔk a. Ŋmɛɛrsa gbanko wa zi wa kikoti a chɔk dɛ ti a ŋmɛ a.

Mat. 6:33

O lawa ma nyɛ chenani Koosa dɔ ma awa o tutɔ tiŋi te ma bambe ni. Maa lisi nan, o zi kpa kin naa maga ma daŋniu a nyɛ ma.

Maak 12:36

Koosa siim weri ti funɛ biksi Devid saha digi, Devid fun a sɛm Kristo wɛ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni, ka mu nyɛ i dɔma burgi i yosa.’

Maak 14:62

Yesu fun ŋɔ, “Min ya un. Wuzu digi i zi wa na n waa min nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 20:42

Devid titi funɛ sɔbiu a li Koosa sɛm tɔn ti bar digi naa ba yir Saams chen ni a ŋɔ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni,

Luk 22:69

O wa zi vusi ka n waa nibine be wa kani Koosa naa kpak kpok a kaali kina maga nihɛɛ bar kani ni.”

Tuma 2:34

Koosa wa fun zer Devid a zini kaali o tɔhɔn ti, amaa ba funɛ sɔbiu a li Koosa sɛm tɔn ti ni di Devid ŋɔ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni,

Tuma 7:55

amaa Koosa siim weri ti fun si Stivin bambi ni a nyɛ o nyini a na Koosa jirima awa o chaani kinkan a li o tɔhɔn ti ni. O funɛ vɛɛn nyɛ o na Yesu ka o chiŋi Koosa nihɛɛti bar kani ni dooni.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

Room 8:6

Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

2 Kɔr. 4:18

Ya baga wa to tɛɛnɛ nɔ maga kin nawara vɛ vusi ni. Ya baga ka nyɛnu a li kin nawara Koosa zi wa kpa nyɛ ya wuzu digi ni. A waa la zi nyɛn hali saha naa vɛ kpak bɔ.

Ɛfɛ. 4:10

O saha funɛ wa peti tɛɛnɛ nɔ maga ni, o fun bur a zini a kaali Koosa nihɛɛ bar kani di o su kin naa maga Koosa fun naami.

Ɛfɛ. 5:22

Nihaana, ma la nɔɔni a nyɛ ma baalasi ni a chi chenani ma la nɔɔni a du Koosa ni chen.

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,

Kɔl. 3:2

Ma kpa ma lise maga a du Koosa tɔhɔn ti kin ta ni. Ma ta kpa ma lise maga a du tɛɛnɛ nɔ maga kina ni.

Ju 1:13

Ba gbanko fun sɔbi di Koosa ŋɔ, “Kuwa a wa kani mu nihɛɛta bar kani ni, ka mu nyɛ i dɔma burgi i yosa.” Koosa wa fun ŋɔ nan o malaikasi ta digi daharɛ. O ka funɛ ŋɔ nan o be ti daharɛ.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 10:12

Kristo funɛ sou ya daha, o fun a burgi ya kɔɔra a chiŋi ya tum tagna bar chiŋi ni bu bɛgim. O funɛ wa si o sou ni, o fun zini a zu Koosa tɔhɔn ti a la kani Koosa nihɛɛ bar kani ni. O kɔɔri nɔ zi chiŋiu hali saha naa vɛ kpak bɔ.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 8:1

Nan wu birigirɛ ya daŋni ya ŋɔ ma. Yesu naa ya ya Koosa dam kɔkɔɔra, kani Koosa naa zene a kaali kina maga, nihɛɛ bar kani ni a li o tɔhɔn ti ni.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.