Kɔl. 2:19 - Tampulma

¹⁹ O wara tiŋ Kristo naa ya ya nyuhu tiina. Ya waa ya o bara luk pɛksa a la na kpok awa suŋi a li un ni. O wa ya ya nibɛgimnɛ ka yaa bi a chi chenani Koosa daŋni yaa bi.

Kɔl. 2:19 Marejeleo ya Msalaba

Luk 5:38

Sin fali daŋni tɔk falirɛ.

Jɔn 17:21

Kisuŋi ba ba ya nɔ bɛgim dɔŋ ni. Mu nyana, i wa min ya nibɛgimnɛ. Suŋi ba ba wa zim ya a gbaari, chen ni tɛɛnɛ nɔ tim maga se zi su di hin funɛ tum min ba wati.

Tuma 4:32

Ba naa maga se su Yesu funɛ ya nibɛgimnɛ. Nandigi wa fun ŋɔ di o titi kina ha vɛɛn ya o kinawa. Ba fun kpa a maga a bɔni dɔŋa.

Room 11:17

Ju tim ta chi bugil naa Koosa fun chɔɔsirɛ. Ba yir un ‘ɔlif’. Koosa fun a teŋsi o hulsi ta bɔnɛ a ta a kpa ma a chiŋsi a bar chiŋɛ ni. O funɛ ya chene, chen ni ma wa o hulsi ta zi lagmi dɔŋ niu a la weri naa la li luti ta ni.

1 Kɔr. 1:10

Mu niinbisa, mu sumi mau ya kunyan Yesu Kristo sɔn daha ma maga kiya nɔ bɛgim. Ma ta waligi ma titi, chen ni ma sɛma awa ma lise ni ma zi kpak nɔ bɛgimu.

1 Kɔr. 11:3

Mu daŋni ma zimu di Kristo ya nibaal nyuhu tiina ka nibaal ka ya o haan nyuhu tiina. Koosa gbanko ka ya Kristo nyuhu tiina.

1 Kɔr. 3:6

O chi mu waa, Pɔɔl, funɛ te wa chɔɔsi bugil. Doone Apɔlɔs ka yaa kpa ni a wa du, amaa Koosa duŋduŋ nyɛ bugil ti nyu a la zini.

Ɛfɛ. 1:22

Koosa funɛ nyɛ o ya kina maga koora awa ba naa tiŋ un nyuhu tiina.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.

Ɛfɛ. 2:21

Koosa funɛ kpa ya a gbaari Yesu Kristo ni a sa dɛ ti o wer Koosa wati o nyɛn.

Ɛfɛ. 4:3

Koosa siim weri ti funɛ nyɛ ma ya nɔ bɛgimu wa dɔŋ ni a nyɛ ma bara sɔɔna. Maa kpaŋi saha maga a kiya dɔŋa chen.

Ɛfɛ. 5:29

Nandigi wa ha o titi bara. O daŋni un a kidɛɛsi un. Yesu Kristo gbanko daŋni o nitiŋɛ tau a la dɛɛsi ba.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Kɔl. 1:18

Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

1 Tɛs. 3:12

Ya kunyan ti la zi suŋi ma maa daŋni dɔŋa kinkan awa nara maga a chi chenani yaa daŋni ma nan.

1 Tɛs. 4:10

Ya zimu di maa daŋni Yesu nitiŋɛ ba naa maga nyɛn Masɛdonia pulum ni. Adaha ya sumi mau ma ha vɛɛn kitum chen a gbaari.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.