Kɔl. 2:16 - Tampulma

¹⁶ Nandigi ŋɔ di maa di diwe digirɛ a la nyɔ kinyɔɔli digi a vɛ tiŋ wuzu zene awa pɛn falɛ wuzu zene awa hiisi wuzuna a na ma galimsa, ma ta nu ba wati.

Kɔl. 2:16 Marejeleo ya Msalaba

Mat. 15:11

Kin naa la zu ma nɔɔna wara nyɛ ma doŋa, amaa kinkin naa la li ma nɔɔna ni, a warɛ nyɛ ma doŋa.”

Maak 7:19

Ma loore o yaa zu ka ma la somi. O wara zu ma bambe ni.” Yesu fun ŋɔ ba a nama maga, chen ni ba wa zi bu chi diwe maga.

Tuma 15:20

Ma nyɛ ya sɔbi tɔn a ŋɔ ba di o wa lawa ba di vursi diwe domi a ya doŋwa a vɛɛn ŋɔ ba di ba ta tum chɔkumsi tuma a ta se nɛmɛ naa ba vɛ kɔrigi o li chɛl.

Room 14:10

Chen ya wuti, yɛrɛ maa di ma dɔŋtima sɛria saha maga? Yɛrɛ ma nyini ba ba ya chi bichɛsa? Wuzu digi ya maga zi wa chiŋiu a li Koosa sɛria bar diili ni.

Gal. 4:10

Ma waa funɛ lisi pɛn bɔnɛ awa bun bɔnɛ a di ma wuzu zene a ni.

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.