Kɔl. 2:15 - Tampulma

¹⁵ Yesu funɛ sou a li o daakakli ti ni, o fun a chɔk alizin tagna maga kpok a fun kpa a a li gbampulim, chen ni nara zi wa zimu di a ya yɔrirɛ lalaknɔ.

Kɔl. 2:15 Marejeleo ya Msalaba

Mat. 12:29

“Nara vɛ te kpak nikpok a vɔwi, yɛrɛ ba kaa ya a zu o dama a fuksi o kina?

Luk 10:18

Yesu fun ŋɔ ba, “N fun na sintanau ka o li buudaha aa wa a chi nasɛha nyiksɛɛ. Mu sɔn funɛ kpok a kaali o sɔn.

Luk 11:22

Naa kpok kaali un wa chem un a nyaŋi un, o zi kpa baal ti laal kin ta o kpa a pɔ o titi chenu. O zi kpa o kin ta maga gbanko a bɔni.

Jɔn 16:11

Koosa fun piin na sintana naa dɔ tɛɛnɛ nɔ tim maga, galimsa a ha vɛ ta un yɔri. Kin namawa Koosa siim weri ti kaa wa biksi ba.

Jɔn 19:30

Yesu funɛ nyɔ un a ŋɔ, “Mu tum petiu.” O fun gur o nyuha a sou.

1 Kɔr. 15:24

Tɛɛnɛ nɔ maga siili saha zi wa tel, Kristo zi wa nyaŋi o dɔma ba naa maga dɔ ba nara kpok. O ya chen, o zi kpa o koor tiu a nyɛ o kunyana Koosa ni.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Ɛfɛ. 3:10

a kpa a li gbampulim lalaknɔ, chen ni Koosa nitiŋɛ ta zi biksi siim kpoka awa kpok a naa maga nyɛn o tɔhɔn ti niu chenani o zima ti tum a kurgi.

Ɛfɛ. 4:8

Ba funɛ sɔbiu a li Koosa sɛm tɔn ti ni a ŋɔ, “Yesu Kristo funɛ nyaŋi sintana, o wa ba naa ba fun tɔ dɛ zini a zu Koosa tɔhɔn ti. O funɛ wa tel dooni, o fun kpa o papaha a nyɛ o nitiŋɛ ta ni.”

Ɛfɛ. 6:12

Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.

Kɔl. 1:16

Koosa fun nyɛ o naami kin nawara maga nyɛn tɛɛnɛ nɔ maga awa buudaha ni, kin naa ya na awa a naa ya vɛ naali, siim maga awa kpok maga, a magwa o fun a naami a nyɛ o titi ni.

Kɔl. 2:10

Kristo ya kina maga kpok tiina. Ma wa un ya nibɛgimnɛ. Chendaha ma kpak o mi fali ti.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.