Kɔl. 2:13 - Tampulma

¹³ Saha digi ma funɛ ya ba naa vɛ ya Ju timwa a vɛ zim Koosa. Ma tum tagna funɛ nyɛ ma chi nibin sitɛ. Lalaknɔ Koosa funɛ lɛli mau a li ma sou ni a chi chenani o fun lɛli Kristo chen. Waa funɛ gil ya tum tagna maga a nyɛ ya.

Kɔl. 2:13 Marejeleo ya Msalaba

Luk 15:24

N funɛ baa di n be nɔ sowu, amaa o ha vɛɛn nyɛnu. Mu funɛ nyuksi unu, amaa lalaknɔ mu na unu.’ O fun kpa o be ti wa di ba lagmi a di diwe.

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Luk 9:60

Yesu fun ŋɔ un, “Tiŋ min lalaknɔ a la biksi nara di Koosa daŋni o dɔ bau. Nyɛ ba naa vɛ tiŋ min sogli un.”

Jɔn 5:21

Waa lɛlɛ siwɛ a li ba sou ni. Mu waa naa ya o be gbanko lɛlɛ siwɛ naa mu yisi a li ba sou ni.

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Room 4:17

Ba fun sɔbi chen wɛ a li Koosa sɛm tɔn ti ni di Koosa ŋɔ, “Mu funɛ nyɛ i burgi nidamata nyannɛ.” Abraham si fun su Koosa naa koti a lɛli nara a li ba sou ni a sɛm a naami kina. Chendaha Koosa vɔwi ti weru a li o wati.

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

Room 8:11

Koosa siim weri ti funɛ lɛli Yesu Kristo a li o sou ni chen. O nyɛn ma bambe ni, wuzu digi o gbanko zi wa lɛli ma barau a li ma sou ni.

1 Kɔr. 15:36

Ma ya womniwa kinkan. Kiduha naa ma du chen yaa nyu tɛɛnɛ niu a zini, ka kibuni ti pɔ.

1 Kɔr. 15:45

Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 5:19

Kristo siwi ti daha, Koosa fun na nyinbaan a nyɛ o wa nara maga bu ya nɔ bɛgim, chen ni o wa zi bu lisi ba tum tagna wɛ. Laaboor weri nɔwa o fun kpa du ya nisa ni di ya biksi nara.

Ɛfɛ. 2:1

Saha digi ma yaa funɛ tum tum tagniwa a vɛ tiŋ Koosa nɔ. Ma funɛ chi nisitɛwa.

Ɛfɛ. 2:11

Ba funɛ lul ma a li ba naa vɛ ya Ju tim nɛɛ. Ju tim ta yir ma ba naa ba vɛ teŋsi. Ba ka yir ba titi ba naa ba teŋsi. Ma lisi chenani ma fun nyɛn saha digi.

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

1 Tim. 5:6

Amaa luhaan naa ka tiŋ o titi daŋni, o nyɛnu a chi o wa zim Koosa.

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

Ju 6:1

Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Jems 2:17

Nara se su Yesu duŋduŋ ka ba vɛ tum tum were a suŋi nara, ba se suuli ti ya yɔrirɛ.

Jems 2:20

Ma ya womniwa kinkan. Mu ŋɔ ma di nar si su Yesu ka o vɛ tum tum were, o zi suuli ti ya yɔrirɛ.

Jems 2:26

Nibine bara vɛ kpak siima, o ya yɔrirɛ. Nibine si su Koosa a vɛ tum tum were, o si suuli ti gbanko ya yɔrirɛ.

1 Jɔn 2:12

Bichɛsa, mu sɔbi nannɛ a nyɛ ma, domi Koosa funɛ gil ma tum tagna a nyɛ mau Yesu daha.