Kɔl. 2:12 - Tampulma

¹² Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

Kɔl. 2:12 Marejeleo ya Msalaba

Luk 17:5

Doone Yesu nitumɛ ta digi fun ŋɔ un, “Ya daŋni chenani ya se su hin iiu a gbaari.”

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 2:24

O fun lɛli Yesu a li o sou ni a nyɛ o namsi ti peti. O wa fun deŋli di o kpalimi o sou ni.

Tuma 2:32

Naa wɛ Devid fun sɔbi chen awa Yesu ya nibɛgimnɛ. Ya funɛ nau awa ya se ni ka Koosa lɛli un a li o sou ni,

Room 4:24

O funɛ ya ya gbanko daharɛ ba fun sɔbi chen. Ya se su Koosa naa funɛ lɛli ya kunyana Yesu Kristo a li o sou ni. Chendaha o gbanko wa zi bu na ya galimsa.

Room 7:4

Mu niinbisa, chen vɛɛna chiksɛ ta wa bu kpak kpok ma ni. O chi ma wa Kristo funɛ sou a li o daakakli ti ni. Lalaknɔ naa Koosa fun lɛli a li o sou ni chen, waa dɔ ma, chen ni ma zi tum tum wereu a nyɛ Koosa ni.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 15:20

Amaa wuti Koosa funɛ te lɛli Kristo a li o sou ni. Chendaha Koosa zi wa lɛli ba naa funɛ siti chen gbankou a li ba sou ni.

Gal. 3:27

Lalaknɔ ma wa Yesu Kristo ya nibɛgimnɛ. Ma funɛ burgi chenani o duu.

Ɛfɛ. 2:8

Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Ɛfɛ. 3:7

Koosa funɛ kpa o kpok tiu a nyɛ min di mu burgi o tumtumna a biksi nara o laaboor weri ti wɛ. O funɛ suŋi minu kinkan hali a la gali. O funɛ ya o papaharɛ.

Ɛfɛ. 4:5

Ya kunyan ti ya nibɛgimnɛ ka chenani ya se su un ya kibɛgim. Chenani ba kpa ni a chaksi ya, o ya kibɛgimnɛ.

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Filip. Tima 1:29

Waa nyɛ ma se su Kristo a nyɛ ma gbanko namsi o daha.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

Kɔl. 2:13

Saha digi ma funɛ ya ba naa vɛ ya Ju timwa a vɛ zim Koosa. Ma tum tagna funɛ nyɛ ma chi nibin sitɛ. Lalaknɔ Koosa funɛ lɛli mau a li ma sou ni a chi chenani o fun lɛli Kristo chen. Waa funɛ gil ya tum tagna maga a nyɛ ya.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 6:2

awa chenani nibinsa kpa ni a chaksi ba nara aa kurge awa chenani ya kpa ya nisa a saksi dɔŋ ni. O wa lawa ya sɛm dɔŋ ni chenani Koosa zi wa lɛli nisitɛ a li ba sou ni wuzu digi a di nibinsa maga sɛria.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.