Kɔl. 2:11 - Tampulma

¹¹ Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Kɔl. 2:11 Marejeleo ya Msalaba

Maak 14:58

“Ya funɛ nu chenani Yesu sɛm di o zi chɔk Koosa bar jɛɛmi dama naa ba kpa nisa a sa chenu, a burgi a sa un wuzu butora wuzu a ta kpa nisa a sa un.”

Luk 2:21

Wuzu bunɔpɛ gantɛl nɛɛ, ba fun teŋ be ti ka o nyan du o sɔn Yesu. Sɔn nɔwa malaika ti fun te du un ka o niin zi kpak o lo.

Tuma 17:24

Koosa funɛ naami tɛɛnɛ nɔ maga awa kin naa maga nyɛn un ni a dɔ o wa buudaha. Chendaha o wa koti a nyɛn dam naa nibinsa sa a nyɛ un ni.

Tuma 7:48

“Amaa Solomon naa zenee kinkan a kaali a maga, o wa nyɛn damsi naa nibinsi sa ni. O witinsi ta digi fun sɔbi a li o sɛm tɔn ti ni di o ŋɔ,

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

Room 7:24

Ei. Muksi fun wa pu min kinkan. Anti la zi koti a yisi min a li mu bara kpok naa nyɛ Koosa na mu galimsa nii?

2 Kɔr. 5:1

Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

Ju 9:11

Kristo naa ya ya Koosa dam kɔkɔɔra, nyinbaan ya kibirigi a kaali nyinbaan buni ti. Waa tum o tuma a nyɛ Koosa ni a li lɛu naa Koosa fun du o tɔhɔn ti ni. O waa zenee a kaali lɛu naa Ju tim ta fun du a li nyabaan ti ni saha digi chen.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.