Kɔl. 1:7 - Tampulma

⁷ Ɛpafras funɛ biksi ma laaboor weri ti. O wa ya waa ya Kristo tumtumsa. Oo tum Kristo tumwa wa wuti ni a nyɛ ya. Yaa daŋni unu kinkan.

Kɔl. 1:7 Marejeleo ya Msalaba

Mat. 18:29

Baal ti fun gbiri o suwachak ni a sumi un, ‘Ya min kanyita. N zi bɔ un i malɛ ta magau,’

Mat. 24:45

“Ma anti la zi ya wuti tiina awa ninɛɛgɛ a li kin nama maga ni? O chi dam tiina naa lisɛ o tumtumsa nidigi di o nyini o dam nara a kinyɛ ba diwe ba diwe diili saha.

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

1 Kɔr. 4:17

Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

1 Kɔr. 4:2

Tumtum naa la tum nɛnɛ a nyɛ o kunyan ni, chen weru. O kunyan ti zi wa ŋɔ di o ya wuti tiinnɛ.

1 Kɔr. 7:25

Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

Ɛfɛ. 5:21

Ma kpa ma bambe a lagmi dɔŋ ni, chen ni ma zi nyɛ Yesu Kristo wa jirimau.

Filip. Tima 2:25

Mu lisi di o deŋlu di mu tum ya niinbe Ɛpafrodaitus ma wati lalaknɔ. Ma funɛ tum unu di o wa suŋi min. O funɛ kpaŋi o titiu kinkan di o wa min kitum bar nɔ nɛnɛ.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

Kɔl. 4:7

Tɔ. Ya bi daŋni, Tikikus, naa suŋi ya kinkan, zi ŋɔ ma mu wɛ magau. O wa ya ya ya kunyan ti tumtumsa.

Kɔl. 4:9

O wa Onisimus funɛ lagmi a la. Onisimus naa la suŋi ya kinkan, ya ma digirɛ. Yaa daŋni unu kinkan. Nara balɛ na zi ŋɔ mau chen naa maga funɛ ya bar nɔ.

1 Tim. 4:6

I yaa lisi Koosa wuti biksi naa i fun la aa tiŋ, a kpa a biksi Yesu nitiŋɛ ta, i ya Yesu Kristo tumtum werire.

2 Tim. 2:2

I funɛ nu ka muu biksi nara bu damata. I gbanko tiŋ mu nɔ sɛma aa kibiksi ba naa ya wuti tima ba zi kotiu a la biksi ba dɔŋtima.

Faili. 1:23

Ɛpafras naa nyɛn mu wati dɛ nɔ ni domi o si su Yesu Kristo, o zaami hinu.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 3:2

Saha digi Mosis wa fun bur gantɛl di o suŋi Ju tima ba naa ya Koosa narau, nɛnɛ. Chen vɛɛna, Yesu naa Koosa fun lisi di o suŋi ya, wa fun bur gantɛl a li ya suŋi ni nɛnɛ.