Kɔl. 1:28 - Tampulma

²⁸ Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Kɔl. 1:28 Marejeleo ya Msalaba

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Mat. 5:48

Ma nyɛ ma tusa kichaani a chi chenani ma nyana Koosa naa nyɛn o tɔha ni tuha chaani chen.”

Maak 6:34

Yesu funɛ wa li arŋ ti ni, o fun a na zɛmɛ kinkan ka ba chiŋi dooni. Ba funɛ chi piisisa a naa vɛ kpak nigbaŋirɛ. Ba wɛ fun ya un siki, ka o vɛɛn a biksi ba wu damata dooni.

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 13:38

Mu niinbisa, mu daŋni ma zimu nɛnɛ di baal nɔ sɔnnɛ ya kpa a biksi ma di Koosa daŋni o gil ma tum tagnau a nyɛ ma.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 17:3

O fun biksi ba di Yesu ya Kristo naa Koosa fun ŋɔ di o zi wa tumu wuzu digi chen a karimi Koosa sɛm tɔn ti bar digi doonani ba fun sɔbi di o zi wa namsiu a sou ka Koosa lɛli un a li o sou ni.

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

Tuma 3:20

Ma ya chen, o zi nyɛ ma bambe bukoo na kpoku a gbaari a tum o be Yesu naa o piin lisi di o kpa nyɛ ma. Waa ya naa o fun vɔu di o zi tumu wuzu digi.

Tuma 5:42

Wuzu kam ba yaa funɛ zu Koosa bar jɛɛmi dam tiu awa nara damsa di ba biksi nara di Yesu ya naa Koosa fun vɔu di o zi wa tumu wuzu digi chen.

Tuma 8:35

Filip fun te ŋɔ un chenani o karimi chen mun a zi biksi un Koosa laaboor weri ti awa Yesu wɛ.

Tuma 8:5

Filip fun kaali tɔhɔn naa ba yir Samaria chen a la biksi doon nara Kristo naa Koosa fun vɔu di o zi wa tumu wuzu digi chen wɛ.

Tuma 9:20

A funɛ ya tamnɛ, o fun vaan si a zu Ju tim ta bar lagmi dɛɛna aa biksi ba di Yesu ya Koosa bere.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

1 Kɔr. 15:12

Ya funɛ biksi ma Kristo wɛ di Koosa funɛ lɛli unu a li o sou ni, yɛrɛ ma bɔnɛ sɛm di Koosa wa kilɛli nara a li ba sou ni?

1 Kɔr. 2:15

Koosa siim weri ti nyɛn nibine ni, waa la zi koti a zim kina maga nyinbaan. Koosa siim weri ti ka vɛ nyɛn nibine ni, o wa kikoti a zim naa kpak Koosa siim weri ti.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

1 Kɔr. 4:14

Mu wa sɔbi nannɛ a nyɛ ma di mu nyɛ hiisa kpak ma, amaa mu daŋni mu dɛɛsi mau a chi mu titi bisa.

2 Kɔr. 10:14

Ya funɛ te wa biksi ma Koosa laaboor weri naa ya Yesu Kristo wɛ chen. Chendaha ya kpak nyinbaan di yaa suŋi ma.

2 Kɔr. 11:2

Muu daŋni ma kinkannɛ a chi chenani Koosa daŋni ma. Ma chi nihabichɛllɛ mu fun a vɔu di mu nyɛ baal naa sɔn ya Yesu Kristo chen.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Kɔl. 2:10

Kristo ya kina maga kpok tiina. Ma wa un ya nibɛgimnɛ. Chendaha ma kpak o mi fali ti.

Kɔl. 2:3

Koosa zima awa nɛha maga nyɛn Kristo ni.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tɛs. 4:6

Nandigi ta daŋni o dɔŋtiin haan, akoo fuksi un. Nar la ya nan, o tum tum taginnɛ a nyɛ un. Ya funɛ piin ŋɔ mau kin na wɛu a tɛ ma nin kinkan di ba naa la tum tum tagna nan, Koosa zi wa lɛrgi ba diŋsau a ta ba yɔri.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 3:2

O lawa o kpak sɔn weriu nara wati a kpak nihaan bɛgim duŋduŋ a kpak o titi nɛnɛ a ya bambi tiina a tiŋ nɛnɛ a la hɔɔra a du o dam ni a koti aa biksi nara.

Ju 10:14

O kɔɔri bɛgim ti daha, wuzu digi Koosa zi yisi ba naa maga o dɔu a li ba tum tagna ni hali a wa peti. Chenani o zi ya zi nyɛnu hali saha naa vɛ kpak bɔ.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

2 Pita 3:15

Ma lisi chenani ya kunyan ti nyɛ narawa nyinbaan lalaknɔ di ba gil ba tum tagna aa tiŋ un. Koosa funɛ kpa o zimarɛ a nyɛ ya niinbe daŋni Pɔɔl ni o fun sɔbi chen wɛ a nyɛ ma.