Kɔl. 1:27 - Tampulma

²⁷ O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 1:27 Marejeleo ya Msalaba

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Luk 17:21

O nyɛn nibinsa bambe nee. Chendaha nandigi wa kiŋɔ, ‘Ma na un bar nɔ koo dooni.’ ”

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Jɔn 14:20

A wuzu naa mu wa si mu sou ni, ma zi zimu di mu nyɛn mu nyan ti nɛɛ ka ma nyɛn min ni ka mu gbanko nyɛn ma ni.

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Jɔn 17:26

Mu funɛ biksi ba chenani i bambi duu a ha vɛ peti. Mu zi nyɛn ba bambe niu a suŋi ba baa daŋni nara a chi chenani ii daŋni min.”

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

Room 11:33

Ei. Koosa siki awa nɛha wa zima zenu kinkan. A wa kpak bɔ. Nandigi wa kikoti a zim chenani o lisi a la tum.

Room 2:4

I baa di chenani Koosa ya niwerire kinkan i wati a kpak hin wa kanyita, chen ya yɔrirɛɛ? I wa zim di Koosa ya niwerire kinkan i wati, chen i zi gil i tum tagna a bur tiŋ unn?

Room 5:2

Waa funɛ kpa ya a kansi bar zen nɔ ni ya se suuli daha. Waa nyɛ ya kpak bambi bɛgim di wuzu digi Koosa wa ya zi wa bɔni o jirimau. Chendaha ya tusa sɔɔni kinkan.

Room 8:10

Kristo nyɛn ma ni, ma bara zi sou ma tum tagna daha. Amaa Koosa wa bu na ma galimsa. Chendaha ma siima kpak o mi fali tiu.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

2 Kɔr. 4:17

Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 2:22

Koosa siim weri ti nyɛ ma gbaari ba naa wa Yesu Kristo ya nibɛgim ni a burgi dɛ naa Koosa nyɛn chen bar digi.

Filip. Tima 4:19

Ma daŋni kundɔŋ, o zi lisi au a li o kidamata a naa o kpak a li Kristo ni, a suŋi ma.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

Kɔl. 2:3

Koosa zima awa nɛha maga nyɛn Kristo ni.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

1 Tim. 1:1

Min waa, Pɔɔl, la sɔbi tɔn nɔ. Koosa naa funɛ yisi ya a li ya tum tagna ni di yaa tiŋ un, awa Yesu Kristo naa nyɛ ya kpak bambi bɛgim un ni, ba funɛ ŋɔu di mu ya Yesu Kristo nitumi.

Ju 6:19

Ya bambi bɛgim nɔ chiŋɛu. O wa zi chɛrgi. O chi nyinbaannɛ yaa tiŋ a la di ya la zu Koosa bar nyɛni naa o fun lisi a nyɛ o titi ni a li o tɔhɔn ti ni.

1 Jɔn 4:4

Mu bisa, Koosa dɔ ma a fun kpa o siim weri ti a nyɛ ma. O kpok naa nyɛn ma ni chen, waa kpok kaali Kristo dɔm kpok naa nyɛn ba ni.

JɔnN Deesi 3:20

Ma nu mu wati. Saha maga mu yaa chiŋi bulzɔɔnɔ nɛɛ a mo a la yir. Ba naa nu mu ta a puk bulzɔɔnɔ ti, mu zi zuu, chen ni ba wa min zi lagmiu a di diwe.