Kɔl. 1:24 - Tampulma

²⁴ Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

Kɔl. 1:24 Marejeleo ya Msalaba

Maak 10:39

Ba fun ŋɔ un, “Ya zi kotiu.” Yesu ŋɔ ba, “Wutirɛ namsi naa mu kaa wa namsi chen, ma gbanko zi wa namsi chenu.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Room 5:3

Hali nara namsi ya, ya tusa gbanko zi sɔɔniu. Ya zimu di namsi ti nyɛ ya na kanyita.

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

1 Kɔr. 12:27

Ma maga ya Kristo barawa. Ma maga nibɛgim bɛgim ya o bara luk pɛksiwa.

2 Kɔr. 12:15

Mu daŋni mu kpu mu titirɛ a nyɛ ma, chen ni mu zi suŋi mau. Chenani mu daŋni ma la suwachak, ma daŋni zi bur gantɛluu?

2 Kɔr. 6:10

Ya tusa yaa chɔku a bu sɔɔni kinkan. Ya ya fara timwa, amaa ya suŋi nidamatau kinkan di ba wa zim Koosa. Nibinsa lisi di ya wa kpak kundɔŋ, amaa ya waa ka dɔ kina maga.

2 Kɔr. 7:4

Ya se su ma kinkan, domi ma waa ya ya jirima nara. Ma kpami ya a li ya namsi maga ni, chen ni ya tusa zi sɔɔniu a la gali saha maga.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 3:13

Mu namsi bar nɔu ma daha, amaa mu wara daŋni ma tusa chɔk chen daha. Ma ka nyɛ mu namsi nɔ nyɛ ma jirima a nyɛ ma kpak bambe.

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.

Kɔl. 1:18

Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

2 Tim. 1:8

Ta nyɛ hiisa kpak hin a li chenani i ŋɔ nara ni ya kunyan ti wɛ. Ta nyɛ hiisa gbanko kpak hin a li chenani ba tɔ min dɛ Kristo wɛ daha. Kpa kpok naa Koosa nyɛ hin aa saksi a na namsi o laaboor weri ti daha.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.