Kɔl. 1:23 - Tampulma

²³ Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:23 Marejeleo ya Msalaba

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Luk 6:48

Ba chi nibine naa funɛ hur o dam sɛchik a li gbɛntɛl nyuhu ni a sa zɔŋ. Wuzu digi pula fun su a pal a la mo dam ti. Amaa o wa fun chel, domi o sɛchik ti funɛ kpoku.

Jɔn 15:6

Ma ya chen, mu nyan ti zi teŋsi mau a ta ma sou. Nara zi wa haasi ma a lagmi dɔŋ ni a fu.

Tuma 1:17

Judas funɛ ya ya nidigirɛ, domi ya kunyana funɛ lisi un di o wa ya tum tuma a nyɛ Koosa ni.”

Tuma 1:25

chen ni waa la zi ya nitumi a chiŋi Judas bar chiŋi ni a tum i tuma. Judas wa fun bu nyɛn ya wati a na chenani o daŋni.”

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Tuma 2:5

Ju tim nidamata funɛ gba a la Jɛrusalɛm wuzu zen wuzu ti daha. Ba funɛ li pulum damatiwa a la sumi Koosa saha maga.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Tuma 26:16

Si a chiŋi. Mu wa i watiu di mu wa lisi hin i ya mu tumtumna. Mu daŋni i la ŋɔ nara niu chenani i wa min pu dɔŋa zinan awa kin nawara mu zi biksi hin.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Room 10:18

Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 4:1

Koosa naa funɛ kpak ya siki chen, funɛ lisi yau di yaa biksi nara kin nama wɛ. Ya wa zi bur gantɛl a li tum naa o kpa nyɛ ya nan.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

Gal. 4:11

O muksi minu kinkan ma daha. Tum naa mu fun tum a nyɛ ma, chen ya yɔrirɛɛ?

Gal. 5:5

Ya titi kpak bambi bɛgim di wuzu digi Koosa wa zi bu na ya galimsa hali o wa peti. O funɛ kpa o siim weri kpok tiu a du ya ni di ya se su un. Chendaha ya koti a pɔ Koosa di o wa ya chen.

Gal. 5:7

Ma funɛ tiŋ Koosa nyinbaanu nɛnɛ. Lalaknɔ ma nyɛ nusun nibiksɛ nama wa nyɛ ma buru a li o wuti ti tiŋi ni.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 2:21

Koosa funɛ kpa ya a gbaari Yesu Kristo ni a sa dɛ ti o wer Koosa wati o nyɛn.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Ɛfɛ. 4:16

Ya chi o bara luk pɛksiwa. Waa nyɛ o bara kpok a li boma naa chomse ya ni. Ya maga tum nɛnɛ a la daŋni dɔŋa aa tiŋ un nɛnɛ a gbaari, o bara zi na alaafɛu.

Kɔl. 1:25

Koosa nyɛ mu tum a nyɛ o nitiŋɛ ta ni, chen ni mu zi suŋi bau kinkan. Waa funɛ nyɛ mu ya chen tumtumna a ŋɔ di muu biksi o laaboor weri ti maga hali a wa peti.

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

1 Tɛs. 3:3

Ma ta bur gantɛl ba la muksi ma daha. Ma zimu di o ya Koosa tutɔrɛ di ba zi namsi ba naa tiŋ o nyinbaanu.

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

1 Tɛs. 5:8

Ya chi fitin tima, ma ta nyɛ ya dɛɛsi chen. Ma nyɛ ya se suuli a kidaŋni nara a kpak bambi bɛgim di Koosa zi yisi yau a li ya tum tagna ni hali a wa peti. Ya ya chen ni, sintana wa zi nyaŋi ya.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

1 Tim. 1:12

Mu zaami ya kunyan Yesu Kristo, domi o funɛ lisi minu di mu ya o tumtumna a kpa o kpok ti a nyɛ min di muu tum o tuma.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Tait. 3:7

O fun a suŋi ya di ya wa bu kpak galimsa o wati a nyɛ ya kpak bambi bɛgim di ya la o mi fali naa vɛ kpak bɔ.

Ju 10:38

Nara se su Koosa, o wa zi bu na ba galimsa o wati a kpa o mi fali a nyɛ ba. O tuha wa zi sɔɔni a li ba naa bur ba se suuli ni.”

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 6:19

Ya bambi bɛgim nɔ chiŋɛu. O wa zi chɛrgi. O chi nyinbaannɛ yaa tiŋ a la di ya la zu Koosa bar nyɛni naa o fun lisi a nyɛ o titi ni a li o tɔhɔn ti ni.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.