Kɔl. 1:18 - Tampulma

¹⁸ Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

Kɔl. 1:18 Marejeleo ya Msalaba

Mat. 23:8

Ma ta daŋni sɔn aa nyɛ nara kiyir ma nibiksɛ. Ma maga ya niinbisiwa a kpak nibiksi bɛgim duŋduŋ.

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Jɔn 1:1

O piili ti ni tɛɛnɛ awa buudaha wa fun to, amaa Yesu Kristo funɛ piin nyɛnu. O funɛ nyɛn Koosa se ni. Hali o wa un fun ya nibɛgim.

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Jɔn 1:27

Waa nyɛn mu gantɛl ni aa wa. N purɛu wa mu ur o natausa a nyɛ un.”

Tuma 26:23

Ba funɛ sɔbiu a ŋɔ di nara wa kpu un, Koosa zi lɛli unu a li o sou ni, chen ni Ju tim ta awa ba naa vɛ ya Ju tima zi na nyinbaanu a gil ba tum tagna a bur a tiŋ un. Nan chi fitinne a chaani ba ni a li birsi ni.”

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

1 Kɔr. 11:3

Mu daŋni ma zimu di Kristo ya nibaal nyuhu tiina ka nibaal ka ya o haan nyuhu tiina. Koosa gbanko ka ya Kristo nyuhu tiina.

1 Kɔr. 12:27

Ma maga ya Kristo barawa. Ma maga nibɛgim bɛgim ya o bara luk pɛksiwa.

1 Kɔr. 15:25

Kristo zi dɔ kina magau, hali Koosa wa nyaŋi o dɔma maga.

Ɛfɛ. 1:10

Saha naa o fun lisi chen wa tel, o zi lagmi kin nawara maga o fun a naamiu, buudaha kina awa tɛɛnɛ nɔ maga kina, a nyɛ Yesu Kristo di a maga koora.

Ɛfɛ. 5:23

Nibaal ya o haan nyuhu tiina, a chi chenani Yesu Kristo ya o nitiŋɛ ta nyuhu tiin chen. O funɛ yisi ba a li ba tum tagna ni chen. Ba waa chi o bara.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

Kɔl. 2:19

O wara tiŋ Kristo naa ya ya nyuhu tiina. Ya waa ya o bara luk pɛksa a la na kpok awa suŋi a li un ni. O wa ya ya nibɛgimnɛ ka yaa bi a chi chenani Koosa daŋni yaa bi.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 21:6

Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.

JɔnN Deesi 22:13

Mu vɛ kpak piili a nyɛn a vɛ kpak peti.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.