3 Jɔn 1:11 - Tampulma

¹¹ Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.

3 Jɔn 1:11 Marejeleo ya Msalaba

Jɔn 10:27

Mu zim mu piisisau ka a gbanko zim mu ta a la tiŋ min.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Jɔn 3:20

Ba zimu di ba tum ba tum tagna nha ni, nara maga zi na chenani ba tumu. Chendaha ba chɔ li un ni.

1 Kɔr. 11:1

Adaha maa tiŋ min a chi chenani mu ya Yesu nitiŋi a la tiŋ un nan.

1 Kɔr. 4:16

Adaha mu sumi mau, maa tiŋ chenani muu tiŋ.

Ɛfɛ. 5:1

Ma ya Koosa bi daŋnɛwa lalaknɔ. Ma kpak unu ma bambe ni di maa chamsi un.

Filip. Tima 3:17

Mu niinbisa, o lawa ma zer mu ninu a li chenani mu tiŋ Kristo ni. Ya waa funɛ biksi ma nɛnɛ. Maa nyini ba naa la tiŋ ya biksi ti.

1 Tɛs. 1:6

ka ma fun a tiŋ ya awa ya kunyan ti. Domi ma funɛ la nɔɔniu Koosa laaboor weri ti ni, nara funɛ muksi ma kinkan, amaa Koosa siim weri ti funɛ nyɛ ma tusa sɔɔniu kinkan.

1 Tɛs. 2:14

Mu niinbisa, kin nawara funɛ ya Koosa nitiŋɛ ba naa funɛ nyɛn Judia pulum ni a tiŋ Yesu Kristo chen, chen vɛɛna ya ma doon gbanko chen ni. Ma titi nara funɛ muksi ma kinkan a chi Ju tima funɛ muksi Yesu nitiŋɛ ta a li Judia pulum ni.

2 Tim. 3:10

Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

1 Pita 3:11

a gil o tum tagna aa kitum tum were, chen ni o kpak un o bambi ni a kpak nɔ bɛgim awa nara ni saha maga.

1 Pita 3:13

Ma yaa kpak un ma bambe ni a tum tum were kinkan, anti la zi muksi ma?

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

1 Jɔn 3:10

Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.