2 Tim. 4:7 - Tampulma

⁷ Mu miisa chi chɔchɔharɛ. Mu kpaŋu a chɔ peti ka mu si ha vɛɛn su Koosa.

2 Tim. 4:7 Marejeleo ya Msalaba

Luk 11:28

Yesu fun burgi a ŋɔ un, “Ba naa laa nu Koosa sɛma a la tiŋ a, ba tusa sɔɔnɛ kinkan a kaali mu niina.”

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Jɔn 17:6

“I funɛ lisi nara a li tɛɛnɛ nɔ tim maga ni a nyɛ i titi ni. I fun kpa ba a nyɛ min ka mu fun biksi ba i wɛ ba tiŋ i nɔ.

Jɔn 4:34

Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Tuma 13:25

Jɔn tuma funɛ wa dugli peti, o fun ŋɔ nara tima ni, ‘Ma nu mu wati nɛnɛ. Mu laata ya naa maa lisi di mu yau. Nandigi tiŋ mu gantɛl a wa. Mu purɛu wa mu ur o natausa.’

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Filip. Tima 1:30

Mu funɛ nyɛn ma wati, ma funɛ na chenani mu namsiu. Lalaknɔ ma nu chenani mu ha vɛɛn a namsiu. Ma titi gbanko namsiu chen ni.

1 Tim. 1:18

Mu be, Timoti, mu kpa sɛm nama a du i nin nee. Saha digi nara bɔnɛ funɛ sɛm i wɛ a li Koosa kpok ni. Nyɛ ba sɛm ta kpami hin i tum i tuma nɛnɛ a nyɛ Koosa ni,

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

2 Tim. 1:14

Koosa siim weri naa nyɛn ya ni nan, zi kpa o kpoku a nyɛ hin di i kpak Koosa papaha naa o fun kpa a du i nin ni chen nɛnɛ.

2 Tim. 3:10

Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 3:8

Mu zim chenani maa tumu awa chenani ma vɛ kpak kpoku, amaa ma tiŋ mu biksi ti a vɛ li mu gantɛl nara bambaan ni. Chendaha mu fun puk mu koor ti bulzɔɔnɔ di ma zu. Nandigi wa to a la zi tɔ un.

JɔnN Deesi 6:11

Ba naa funɛ nyɛn Koosa jirima bar kani ti ni a go, bɔnɛ fun kpa takta ziŋɛ pilima a nyɛ ba a ŋɔ ba di ba hiisi tama, hali tɛɛnɛ nɔ tim maga wa kpu ba niinbisa a chi ba funɛ kpu ba a gbaari peti.