2 Tim. 4:17 - Tampulma

¹⁷ Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

2 Tim. 4:17 Marejeleo ya Msalaba

Mat. 10:19

Ba wa kpa ma a wa sɛria bar diili dɛ, ma ta nyɛ chenani ma kaa wa sɛmi kimuksi ma. Saha naa ma kaa wa sɛm, Koosa zi wa biksi ma sɛm naa ma zi wa sɛmu.

Luk 1:1

Min, Luk, la sɔbi tɔn nɔ a nyɛ mu kunyan Tɛɔfilus ni nan. Nidamata funɛ kpaŋi ba titiu a sɔbi kin naa maga funɛ ya ya wati.

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 15:31

Ma sumi Koosa, chen ni o zi yisi minu a li ba naa vɛ un a li Judia pulum ni nisa ni. Ma gbanko kisumi un di o nara ba naa nyɛn Jɛrusalɛm ni zi la kin nawara mu kpa wa ba watiu.

2 Kɔr. 12:9

O fun vɛ la nɔɔni a ŋɔ min, “Mu zi nyɛ hin mu kpok tiu i di un. Nibine kpok bur gantɛlu, kpok naa mu kpa du un ni chen la gbaari.” Chendaha mu tuha sɔɔni ka mu daŋni sɔn di mu titi kpok ti ya yɔrirɛ, chen ni Yesu Kristo kpok ti zi nyɛn min niu kinkan.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

1 Tim. 1:12

Mu zaami ya kunyan Yesu Kristo, domi o funɛ lisi minu di mu ya o tumtumna a kpa o kpok ti a nyɛ min di muu tum o tuma.

2 Tim. 2:1

Mu be, ya wa Yesu Kristo ya nibɛgimnɛ. Chendaha Koosa la zi suŋi hin i kpak kpok.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

2 Tim. 3:11

I gban zimu chenani mu dɔma muksi minu kinkan a li tɔsi a naa ba yir Antiɔk, Ikonium awa Listira ni, ka mu di namsi dooni. Amaa Koosa funɛ bu wa lisi minu a li mu namsi maga ni.

2 Tim. 4:5

Amaa ii kpak o wuti ti nɛnɛ saha maga. I di namsi aa kibiksi Koosa laaboor weri ti wɛ a nyɛ nara ni aa kitum i tuma nɛnɛ a nyɛ un.

Tait. 1:3

O biksi ti funɛ sogliu. Saha naa o fun lisi, Koosa fun kpa un a li gbampulim a nyɛ o ya o laaboor weri ti. Koosa naa la yisi nara a li ba tum tagna ni, o funɛ kpa unu a du min di mu biksi nara o wɛ.

Ju 11:33

Ba fun la chem laal a nyaŋi koor zene. Ba yaa funɛ tum tum werewa a la kin nawara Koosa fun vɔu di o nyɛ ba. Nara fun kpa ba a du doonani gbogumtisa nyɛn,

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.