2 Tim. 3:5 - Tampulma

⁵ Ba zi jɛɛmi Koosa wa ba nyina niu aa vɛ kpak o kpok ti. Ta lagmi ba naa la tum chen ni.

2 Tim. 3:5 Marejeleo ya Msalaba

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

2 Tɛs. 3:14

Nandigi nyɛn dooni a vɛ daŋni o tiŋ chenani ya sɔbi tɔn nɔ nan, ma ta nyɛ o lagmi ma ni, chen ni o zi na hiisau.

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

1 Tim. 4:7

Ta lagmi ba naa la biksi mura a naa vɛ ya Koosa wɛ, a nyɛ nara ni. Ba mur ta ya yɔrirɛ. Kpaŋi i titi kinkan Koosa wuti biksi ti nyɛn i bambi ni.

1 Tim. 4:8

I kpa i bara a tum di o kpok, chen weru, amaa ii tiŋ Koosa nɛnɛ, waa bɔɛɛ kinkan, chen ni i zi tum o tumau lalaknɔ awa saha naa wa wa.

1 Tim. 5:8

Nandigi vɛ nyini o titi walɛ, o wa tiŋ Koosa nɛnɛ. O tum tagna a kaali ba naa vɛ zim Koosa, domi ba waa koti a nyini ba walɛ.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Tim. 2:16

Ta lagmi ba naa yaa biksi womsi mura a naa vɛ ya Koosa wɛ, a nyɛ nara ni. Ba naa la biksi chen ni, duŋni narawa a li Koosa wati a gbaari.

2 Tim. 2:23

Ta lagmi nibin womni ba naa yaa di dɔŋa wa amɔrɛ kin nawara ba vɛ zimi wɛ. I zimu di ba yaa di amɔrɛu hali o wa peti dɔŋ yooli ni.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

Tait. 3:10

Nar daŋni o purigi ba naa la tiŋ Yesu di ba tiŋ un, i tɛ un nin bilɛ. O vɛ di o wa zi nu i sɛma, i wa un wa bu kpak wu digi wa dɔŋ ni.