2 Tim. 3:4 - Tampulma

⁴ a li nara gantɛl a ya wu zene tima aa lisi di ba ya nibin zenewa. Ba zi ya kidaŋni ba titi daŋnɛu a kaali chenani ba fu zi daŋni Koosa.

2 Tim. 3:4 Marejeleo ya Msalaba

Tuma 19:36

Nara maga zimu di chenani ya chen ya wutirɛ. Chendaha o wa lawa ma lagmi a chɛɛmi kinkan a kitum tum naa vɛ kpak nyuha.

Tuma 7:52

Hali Koosa witinsi ta digi wa fun ka ma nawaalsi ta vɛ namsi un. Koosa funɛ tum ba di ba wa ŋɔ ma nawaalsi ta ni di o zi wa tum o tumtumna naa tiŋ o tutɔu wuzu digi. Ma nawaalsi ta funɛ kpu ba chen a chi chenani ma vɛ a kpu o tumtum ti chen.

Room 11:20

Chenani ma sɛm ya wuti. Ju tim ta wa fun a nyɛ ba se su Koosa. Chendaha o fun teŋ a a ta. Ma se su un. Chendaha ma ka chiŋi a bar chiŋi ni. Ma ta daŋni sɔn a li chenani Koosa tum ni. Ma doso a ta wa cheli a chi Ju tim ta.

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

1 Tim. 3:6

O si su Koosa tama, o wa kiya Yesu nitiŋɛ nyuhu tiina. O ya nyuhu tiina lalaga, o zi zer o titiu ka Koosa zi na o galimsa a chi o funɛ na sintana galimsa chen.

1 Tim. 5:6

Amaa luhaan naa ka tiŋ o titi daŋni, o nyɛnu a chi o wa zim Koosa.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

Juud 1:19

Nara nama wara tiŋ Koosa siim weri ti nyinbaan, amaa baa ka tiŋ tɛɛnɛ nɔ tim maga nyinbaannɛ. Chendaha ba nyɛ nara purigi dɔŋ ni.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.