2 Tim. 3:15 - Tampulma

¹⁵ I gban funɛ zim Koosa sɛm tɔn tiu a li i bichɛsi ni. Waa funɛ koti a nyɛ i si su Yesu Kristo, chen ni o zi yisi hinu a li i tum tagna ni.

2 Tim. 3:15 Marejeleo ya Msalaba

Mat. 22:29

Yesu fun ŋɔ ba, “Ma wa zim Koosa sɛm tɔn ti ni nɛnɛ. Chendaha ma nyuksi nyinbaan. Ma wa vɛɛn zim o kpok gbanko.

Luk 1:15

Koosa zi wa nyɛ o ya nibin zenu o se ni. O wa zi wa nyɔ sin kpok, ka Koosa kpa o siim weri a du un ni. Saha naa ba zi wa lul un a kpa la, Koosa siim weri ti zi wa si un niu.

Luk 2:40

Be ti funɛ biu a kpak kpok a gbaari. Koosa fun a suŋi un kinkan aa kpa o zima a nyɛ un.

Luk 24:27

Ba ha funɛ vɛɛn a val nyinbaan ni chene, Yesu fun biksi ba chenani Mosis awa Koosa witinsi ta maga fun sɔbi o wɛ saha digi chen a li Koosa sɛm tɔn ti ni.

Luk 24:32

O funɛ kaali chene, ba ŋɔ dɔŋ ni, “Ya wa un funɛ nyɛn nyinbaan ni aa la ka o fun a biksi ya chenani ba sɔbi o wɛ a li Koosa sɛm tɔn ti ni, ya tusa sɔɔni ka yaa dɛɛsi.”

Luk 24:45

Doone o fun puk ba diŋsa di ba zim kinkin naa nyɛn Koosa sɛm tɔn ti ni,

Jɔn 5:47

Ma se vɛ su chenani o fun sɔbi mu wɛ chen. O wa ya beelire ma se vɛ su chenani mu biksi ma.”

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Tuma 13:29

Ba funɛ ya chenani maga Koosa witinsi ta fun sɔbi a li o sɛm tɔn ti ni a du un ni peti, Yesu nitiŋɛ ta fun yisi un a tu daakakli ti ni a kpa un a zu sogli gbɛntɛl bɔ ni.

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Tuma 17:2

Pɔɔl yaa fun la jɛɛmi Koosa Ju tim ta bar lagmi dɛɛni nɛɛ. Chendaha ba hiisi wuzu ti funɛ wa tel, o kaali a la zu ba bar lagmi dɛ naa nyɛn dooni. O fun lisi Koosa sɛm tɔn ti bar digi o wa ba di doonmani mun amɔrɛ. Hiisi wuzu bilɛ tiina funɛ vɛɛn wa tel, o fun vɛɛn ya chen.

Tuma 26:24

Pɔɔl funɛ kok o titi chene, Fɛstus fun teŋ o nɔ a tɛsi a ŋɔ, “Pɔɔl, i zima kinkan nyɛ i zu galɛŋa.”

Room 1:2

Laaboor weri nɔ ya kin nawara o fun vɔu saha digi chen a fun nyɛ o witinsi ta sɔbi a li o sɛm tɔn ti ni.

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Room 2:27

Chendaha ba naa vɛ ya Ju tima nyɛ ma na galimsa, domi nara funɛ sɔbi Koosa chiksɛ tau a nyɛ ma aa teŋsi ma, amaa maa chɔk au. Ba ka tiŋ o chiksɛ tau a vɛ teŋsi.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

Ɛfɛ. 6:4

Nyama awa numa, ma ta kpa tu haasa a dɛɛsi ma bisa, chen ni ba zi na paanu a du ma ni. Ma dɛɛsi ba a kibiksi ba a chi chenani Yesu Kristo fun biksi ya chen.

1 Tim. 4:13

Hali mu wa wa i wati, kpak si sɛm a karimi Koosa sɛm tɔn ti nara suwachak ni a kibiksi ba Koosa wɛ.

2 Tim. 1:1

Mu waa, Pɔɔl, naa Koosa fun lisi di mu ya Yesu Kristo nitumi a tum di mu la ŋɔ nara ni o miisa naa o piin kpa nyɛ ya wɛ, domi ya wa Yesu Kristo ya nibɛgimnɛ.

2 Tim. 1:5

Mu lisu di i niina, Yunis, awa i naha, Lois se su Yesu wuti ni. Mu zimu di i gbanko si su unu a chi ba.

2 Pita 3:16

O sɔbi kin nama wɛu a li o tɔna maga ni a nyɛ nara ni. O bɔmu di nara zim Pɔɔl biksi ti bɔnɛ mun. Chendaha ba naa vɛ zim Koosa a ya bambi bilɛ tima, bɔnɛ kpa un a chɛrgi o vɛ ya wuti ba biksi nara. Ba gbanko kpa Koosa sɛm tɔn ti a chɛrgi a biksi nara. Koosa zi wa chɔk bau.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.