2 Tim. 3:12 - Tampulma

¹² Nibinsa zi yaa wa muksi ba naa la daŋni ba tiŋ Koosa nɛnɛ, domi ba wa Yesu Kristo ya nibɛgim.

2 Tim. 3:12 Marejeleo ya Msalaba

Mat. 16:24

Yesu fun ŋɔ o gantɛl tiŋsi ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

Mat. 23:34

Adaha mu ŋɔ mau, n zi wa tum witinsa awa nibin nɛɛgɛ awa nibiksɛ ba wa ma watiu. Ma zi kpaasi ba bɔnɛu a marigi daakaklɛ niu a kpu ba. Ma ka zi wa tuk ba bɔnɛ awa vurmsi niu a li ma bar lagmi dɛɛni ta ni a duŋni ba a li ma tɔsi ni.

Maak 10:30

Koosa zi wa bɔ un o chimu a bukoo gbaari un kinkan, chen ni o zi bukoo na damsau, maanasa, niinbisa, numa, bisa awa ŋmaana, a na namsi a gbaari lalaknɔ a kpak Koosa miisa naa vɛ kpak bɔ.

Jɔn 16:2

Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Jɔn 17:14

Sɛm naa maga i fun ŋɔ min chen, mu kpa au a ŋɔ ba. Tɛɛnɛ nɔ tim maga ha bau, domi ba wa ba wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

1 Kɔr. 15:19

Ya nyɛni nɔ duŋduŋ ya kpak bambi bɛgim wa Kristo niu, o lawa nara kiɔm ya sikiu kinkan a kaali tɛɛnɛ nɔ tim maga.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 4:9

Dɔma la dɛu ya, amaa Koosa wara daŋni ya chel ba nin ni. Hali nara mosi yau di ya chel, amaa ba wa kpu ya.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 6:3

Ba naa maga vɛ la nɔɔni ya kunyana Yesu Kristo wuti sɛma a naa nyɛ ya tiŋ un nɛnɛ, amaa a kpak ba titi biksi a nyɛ nara ni,

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

1 Pita 3:14

Hali maa namsɛɛ di ma tum were daha, yɛrɛ ma tusa kaa wa sɔɔni? Chenani nibinsa zi wa ya ma, ma ta nyɛ hansura akoo muksi wa kpak ma.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,

JɔnN Deesi 12:4

Sel zen ti fun purigi buudaha butora a lisi bar digi a kpa o munzuha a chaasi wula a ta tɛɛnɛ nɔ maga ni. Sel zen ti fun chiŋi nihaan naa la duuri chen suwachak ni, chen ni o lulɛɛ, o zi se be tiu.

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.