2 Tim. 3:10 - Tampulma

¹⁰ Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

2 Tim. 3:10 Marejeleo ya Msalaba

Luk 1:3

Adaha, mu kunyana, n funɛ kpa laaboor nɔ magau a lagmi dɔŋ ni a nyini a kpa a a chiŋsi a sɛmbiri bar chiŋɛ ni.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Tuma 2:42

Ba se funɛ sɛriu di nitumɛ ta biksi ba chenani ba zi tiŋ Yesu. Ba fun kpa ba kina a wa bɔni dɔŋa a yaa sumi Koosa a lagmi a di diwe.

Tuma 20:18

Ba funɛ la tel dooni, Pɔɔl fun ŋɔ ba, “Saha naa mu wa ma fun nyɛn Azia pulum ni, ma zim chenani mu fun duu.

Tuma 26:4

“Ju tim ta maga zim chenani mu fun nyɛn mu sɛmbiri pulum awa Jɛrusalɛm ni a li mu bichɛsi ni.

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

2 Kɔr. 1:17

Mu funɛ te daŋni mu wa ma watiu a bu vɛ daŋni, nan nyɛ mu burgi a chi naa chɛrgi o bambi saha magaa? Mu kpak sire a te daŋni mu wa ma wati a bu vɛ daŋnii?

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Filip. Tima 2:20

O duŋduŋ nyɛn mu wati bar nɔ a bɔni chenani mu baga nyɛn ma ni.

Filip. Tima 2:22

Ma zim chenani Timoti bambi du awa chenani mu wa un fun tum a chi nyana awa o be a biksi nara Koosa laaboor weri ti wɛ.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

1 Tim. 4:6

I yaa lisi Koosa wuti biksi naa i fun la aa tiŋ, a kpa a biksi Yesu nitiŋɛ ta, i ya Yesu Kristo tumtum werire.

1 Tim. 6:11

Amaa i waa naa la tiŋ Koosa, ta tum tum tagna chen ni. Nyɛ i si sɛri wa tum were tumi ni ka i tiŋ Koosa nɛnɛ. Nyɛ i si su un kinkan a ya jɛrgi a kidi i namsi a kidaŋni nara maga.

2 Tim. 2:22

Ta tiŋ i titi daŋni a chi ba naa ya bunɔɔna, amaa kpak un i bambi ni a tum tum were kinkan a nyɛ i si su Yesu aa kidaŋni nara awa bara sɔɔni ni. Kilagmi ba naa kpak bambi chaanɛ a la sumi Koosa di o suŋi ba.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

2 Tim. 4:7

Mu miisa chi chɔchɔharɛ. Mu kpaŋu a chɔ peti ka mu si ha vɛɛn su Koosa.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,