2 Tim. 2:19 - Tampulma

¹⁹ Amaa Koosa laaboor weri ti chi dam zɛchikrɛ. O kpoku kinkan. Chendaha nandigi wa kiziigi un. O funɛ sɔbiu a sak zɛchik ti ni, “Ya kunyan ti zim ba naa o dɔu.” O gbanko funɛ sɔbiu a sak, O gbanko funɛ sɔbiu a sak, “Ba naa maga ŋɔɛɛ di ya kunyan ti dɔ ba, ba gil ba tum tagna aa tiŋ un.”

2 Tim. 2:19 Marejeleo ya Msalaba

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Mat. 7:23

Ba sɛm nan peti, n zi ŋɔ bau, ‘N wa kut zim ma. Ma naa la tum tum tagna nan, ma la a ka min.’ ”

Mat. 7:25

Pe kpok awa doon fun wa kinkan a wa li o dam ti ni, ka pola fun su a pal a la mo dam ti gbanko. Amaa o wa fun chel, domi o tiin ti funɛ sa unu a zɔŋ gbɛntɛl nyuhu nɛɛ.

Maak 12:16

Ba fun kpa a a wa o wati. O pɛɛsi ba, “Anti nyuha awa o sɔn sak a ni nan?” Ba fun ŋɔ, “Koor Siiza nyuha awa o sɔnnɛ.”

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Luk 13:27

Mu zi bukoo ŋɔ mau, ‘N wa zim doonani ma li. Ma naa la tum tum tagna nan, ma la. Ma wa kpak nyinbaan a la zi zu bar nɔ.’

Luk 6:48

Ba chi nibine naa funɛ hur o dam sɛchik a li gbɛntɛl nyuhu ni a sa zɔŋ. Wuzu digi pula fun su a pal a la mo dam ti. Amaa o wa fun chel, domi o sɛchik ti funɛ kpoku.

Jɔn 10:14

Min la dɛɛsi mu piisisi ta a kaali piisi gbaŋsi maga. Mu zim au ka a ka zim min.

Jɔn 13:18

“Sɛm naa mu sɛm ma nan, mu wa sɛm a a nyɛ ma maga nɛɛ. Min zim ba naa mu lisi a li ma tuhu niu. Ba funɛ sɔbiu a li Koosa sɛm tɔn ti ni a ŋɔ, ‘Mu wa naa di diwe nan zi li mu gantɛlu.’ Chenani ba sɔbi, sɛm nama nan zi ya wutiu.

Jɔn 3:33

Ba naa maga nu o sɛm ta zimu nɛnɛ di Koosa ya wuti tiinnɛ.

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 15:17

chen ni ba naa maga vɛ ya Ju tima mu fun lisi a nyɛ mu titi ni zi dɛu mu bar nyɛniu.

Tuma 9:14

Lalaknɔ o chiŋi Koosa dam kɔkɔɔrsi ta bar chiŋi ni a wa bar nɔ di o kpaksi ba naa maga kpa i sɔn a jɛɛmi hin.”

Room 11:2

Koosa wa koti a vɛ ba naa o fun lisi o piili ni a nyɛ o titi ni. Ma wa zim chenani ba fun sɔbi Koosa witiina Ɛlaija wɛ a li Koosa sɛm tɔn ti ni chenn? O funɛ sumi Koosau a fiksi Ju tim ta ba tum tagna daha.

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

Room 15:20

Mu funɛ kpaŋi mu titiu di mu ŋɔ nara ni Koosa laaboor weri ti wɛ doonani ba ha fun vɛɛn nu Kristo wɛ, chen ni mu fu wa zi tum doonani nandigi piin a piili.

Room 15:9

O gbanko fun wa di ba naa vɛ ya Ju tima zi kotiu a nyɛ Koosa wa jirima o siki naa o kpak ba ni daha. Ba fun sɔbi Koosa wɛ a li o sɛm tɔn ti ni a ŋɔ, “Mu wa ba naa vɛ ya Ju tima zi lagmiu a nyɛ hin jirima a lɔ boola aa pɛgi hin.”

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Room 9:11

Amaa Koosa funɛ te ŋɔ unu leusisi ta wɛu ka o zi lul. O fun ŋɔ un, “Nihɛɛ zi wa tiŋ bichɛla nɔu.” Bichɛsa ha wa tum tum were koo tum tagna, amaa Koosa funɛ ŋɔ ba wɛu, chen ni ya zim di o yisi narawa a nyɛ o titi ni, o wa yisi ba ba tuma daharɛ.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 8:3

amaa nar la daŋni Koosa, warɛ Koosa zim.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

Ɛfɛ. 3:15

Ba naa maga nyɛn o tɔhɔn ti ni awa ba naa se su un tɛɛnɛ nɔ maga ni, waa ya ba nyana.

Ɛfɛ. 4:30

Ma vɛ tiŋ chenani mu sɛm nan, ma zi chɔk Koosa siim weri ti tuhau. Waa ya Koosa daana ma ni, hali saha naa Koosa zi wa la ma nyuuna a nyɛ ma.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.

1 Tim. 6:19

Ba ya chen, ba zi kotiu a chiŋsi ba kina saha naa la wa nan a koti a kpak Koosa wuti miisa naa o zi kpa nyɛ ba.

Ju 11:10

Amaa Abraham funɛ pɔu di o na tɔhɔn naa Koosa titi fun sa. O tɔhɔn ti kpak zɛchik weri a nyɛn hali saha naa vɛ kpak bɔ.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 21:14

Ba fun kpa buŋkul fidalɛ a sɔbi piisi be ti nitumɛ nara fidalɛ sɔna a sak a ni a kpa a du chechepure ti zɛchik ni.

JɔnN Deesi 22:4

Ba na Koosa seu ka o fun sɔbi o sɛn a marigi ba tilsa,

JɔnN Deesi 3:8

Mu zim chenani maa tumu awa chenani ma vɛ kpak kpoku, amaa ma tiŋ mu biksi ti a vɛ li mu gantɛl nara bambaan ni. Chendaha mu fun puk mu koor ti bulzɔɔnɔ di ma zu. Nandigi wa to a la zi tɔ un.