2 Tim. 2:16 - Tampulma

¹⁶ Ta lagmi ba naa yaa biksi womsi mura a naa vɛ ya Koosa wɛ, a nyɛ nara ni. Ba naa la biksi chen ni, duŋni narawa a li Koosa wati a gbaari.

2 Tim. 2:16 Marejeleo ya Msalaba

1 Kɔr. 15:33

Ma ta mur ma titi. Ma lagmi nibin tagna ni, ba zi chɛrgi ma bambe were tau a tagini.

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

1 Tim. 1:9

Koosa wa fun nyɛ o chiksɛ ta nibin were daharɛ. O fun kpa a a nyɛ ba naa vɛ tiŋ a, a vɛ tiŋ Koosa nɔ a vɛ daŋni ba zim un a la tum tum tagna a kpu nara hali ba nyama awa ba numa,

1 Tim. 4:7

Ta lagmi ba naa la biksi mura a naa vɛ ya Koosa wɛ, a nyɛ nara ni. Ba mur ta ya yɔrirɛ. Kpaŋi i titi kinkan Koosa wuti biksi ti nyɛn i bambi ni.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

2 Tim. 2:14

Kibiksi kin nama a nyɛ Yesu nitiŋɛ ta ni aa kitɛ ba nin Koosa suwachak ni di ba ta di dɔŋa wa amɔrɛ yɔri yɔri. Ba naa la di amɔrɛ chen ni, ba sɛma zi nyɛ ba naa la nu a chen bur Koosa tiŋi niu.

2 Tim. 2:21

Ba naa maga gil ba tum tagna, ba chi aniita awa salma kin nawara ba kpa chiŋsi a pɔ wuzu zene chene. Ba saksi ba titiu di ba tum tum were a nyɛ un.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

Tait. 1:11

Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

Tait. 1:14

Ba ta nu Ju tim ta mura awa chenani nibinsa ba naa vɛ wuti ti, ŋɔ ba.

Tait. 3:9

Amaa ta di amɔrɛ wa ba naa la biksi ba nawaalsa sɔna wɛ a la yo dɔŋa Koosa chiksɛ daha. Kin nama ya yɔrirɛ a wa kpak nyɔɔra.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

2 Pita 2:2

Nidamata zi wa tiŋ bau aa tum chɔkumsi tuma, chen ni nara zi chɔk Koosa wuti nyinbaan ti sɔnu.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 13:3

Mu funɛ nau ka ba huusi sel zen naa li ni ni chen, nyuhu digi di ba kpu un, amaa bar huusi ti funɛ petiu ka o vɛ siwi. Tɛɛnɛ nɔ tim maga funɛ na chenani yɛɛ, alaazibu fun kpak ba ka ba tiŋ sel zen ti.