2 Tim. 2:15 - Tampulma

¹⁵ Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

2 Tim. 2:15 Marejeleo ya Msalaba

Mat. 13:52

Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”

Maak 4:33

Yesu fun a jɛɛgi jɛɛgɛ kinkan a nyɛ ba a biksi ba Koosa wɛ a chi chen, hali ba zima wa peti.

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Tuma 20:27

Kin naa maga Koosa daŋni o tum wa ka mu vɛ biksi ma.

Room 14:18

Ba naa maga tiŋ Kristo nɔ chen, zi sɔɔni Koosa tuhau. Nibinsa gbanko zi nyɛ ba jirimau.

Room 16:10

Ma zaami Apeles. Koosa funɛ zaamsi un, o fun di a li Kristo tiŋi ni. Ma zaami Aristɔbɔlɔs dam walɛ,

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

2 Kɔr. 10:18

Ma pi ma titi, chen wa deŋli. Ya kunyan ti ka pi ma, chen deŋlee kinkan.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 5:9

Ya nyɛn bar nɔ koo ya duglɛ un a li Koosa tɔhɔn ti ni, o lawa ya kpak unu ya bambe ni o ya Koosa wa tu sɔɔna.

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

1 Tim. 4:6

I yaa lisi Koosa wuti biksi naa i fun la aa tiŋ, a kpa a biksi Yesu nitiŋɛ ta, i ya Yesu Kristo tumtum werire.

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

2 Pita 1:10

Mu niinbisa, Koosa fun lisi ma a yir ma. Chendaha ma nyɛ ma se sɛri a gbaari, chen ni ma zi a kpaku nɛnɛ. Ma kpak chen nɛnɛ, ma wa zi kut nyuksi o nyinbaan ti,

2 Pita 1:15

Mu wa sou, mu tɔn nɔ zi nyɛ ma nyinbaanu maa lisi kin nama maga wɛ.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.