2 Tim. 1:15 - Tampulma

¹⁵ I zimu di ba naa maga funɛ nyɛn mu wati a li Azia pulum ni kaalu a ka min. Hali nara balɛ naa ba yir Figɛlus awa Hɛmɔjɛnis, ba gbanko funɛ kaaliu.

2 Tim. 1:15 Marejeleo ya Msalaba

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 19:27

Chenani ya yaa kɔɔri dam wisi ta a chi vuk ti dam zen ti a na nyɔɔra kinkan chen, ya zi chelu a ta bu na nyɔɔra. Azia tim ta maga awa nidamata a li bawu maga ni yaa jɛɛmi ya nihaan vuk zen naa ba yir Atimis. Chenani Pɔɔl biksi chen mɔɔli aa gbaari, nandigi wa zi bu nyɛn a jɛɛmi vuk ti ka dam zen naa ya kpa un a du chen chesi.”

Tuma 19:31

Azia tim koorsa ba naa funɛ nyɛn Ɛfɛsus ni, bɔnɛ funɛ ya Pɔɔl chɛnsiwa. Ba funɛ nu chenani Pɔɔl daŋni o ya, ba fun tum nara ba la ŋɔ un di o ta la dooni.

Tuma 2:9

Ya ya Partia tima, Miid tima, Ilam tima, Mɛsɔpɔtemia tima, Judia tima, Kapadosia tima, Pɔntus tima, Azia tima,

Tuma 20:16

Pɔɔl wa funɛ daŋni o nyɛn Azia pulum ti ni. O ka funɛ daŋni o gali Ɛfɛsus nɛɛ a la tel Jɛrusalɛm lalaga. Ju tim ta wuzu zen naa ba yir val la gali ti chen funɛ dugli. O daŋni o te la dooni ka o zi tel.

1 Kɔr. 16:19

Yesu nitiŋɛ ba naa nyɛn Azia pulum ni zaami mau. Akwila, Prisila awa Yesu nitiŋɛ ba naa yaa lagmi ba dam ni, ba gbanko zaami mau kinkan ya kunyan Yesu daha.

Filip. Tima 2:21

Ba naa kaɛɛ bar nɔ, ba baga nyɛn ba titi kinnɛɛ. Ba baga wa to Yesu Kristo kina ni.

2 Tim. 4:16

Mu funɛ kok mu titi a li sɛria bar diili dɛ ti ni, nandigi wa fun chiŋi mu gantɛl ni. Mu si su di Koosa wa zi wa lisi chenani ba fun gil min.