2 Tim. 1:12 - Tampulma

¹² Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

2 Tim. 1:12 Marejeleo ya Msalaba

Mat. 12:21

Nara maga zi kpa ba bambi bɛgimu a du un ni.”

Mat. 24:36

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Mat. 7:22

O wa wa di o wa di tɛɛnɛ nɔ maga sɛria, nidamata zi wa ŋɔ minu ‘Ya kunyana. Ya funɛ biksi nara Koosa laaboor weri ti wɛ a li i sɔn daharɛ. Ya gbanko funɛ kpa i sɔnnɛ a duŋni alizin tagna a ta nara ni a la tum alaazibu tuma kinkan.’

Luk 10:12

Maa nu mu sɛm na. A wuzu naa Koosa kaa wa di tɛɛnɛ nɔ maga nara sɛria, o zi wa kpak Sɔdɔm tima sikiu a kaali tɔhɔn ti tima.”

Luk 23:46

Doone Yesu fun tɛsi kinkan a ŋɔ, “Mu kunyana, n kpa mu siima a du i nin niu.” O fun sɛm sɛm ta peti a sou.

Jɔn 17:15

Mu wara sumi hin di i lisi ba a li tɛɛnɛ nɔ maga ni. Mu ka sumi hin di i kok bau a li sintani.

Jɔn 6:44

Nandigi wa kikoti a wa mu wati see mu nyana naa tum min chen gbaŋ un wa mu wati. O wa wa di o wa di tɛɛnɛ nɔ tim maga sɛria, mu zi nyɛ ba o mi fali naa vɛ kpak bɔ.

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 21:13

O fun ŋɔ ya, “Yɛrɛ ma nyɛ mu wɛ muksi ma a nyɛ mu bambi buti? N saksɛu di ba kpak min a vɔu ya kunyan Yesu daha. Hali mu saksɛu di mu sou a nyɛ un.”

Tuma 7:59

Ba funɛ yaksi un chene, Stivin fun sumi ya kunyan ti a ŋɔ, “Mu kunyana Yesu, la mu siima.”

Tuma 9:16

Mu zi biksi un chenani o zi biksi ba a na namsi kinkanu.”

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Room 9:33

Ba fun sɔbi buŋkul digi wɛ a li Koosa sɛm tɔn ti ni. O funɛ chi ba mo un wa ba naŋgere nee. Ba fun sɔbi di Koosa ŋɔ, “Mu kpa mu buŋkullɛ a chiŋsi Jɛrusalɛm ni. Ba naa maga nyɛ ba se su un, ba bambe wa zi buti.”

1 Kɔr. 1:8

Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

1 Kɔr. 3:13

Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

Filip. Tima 1:20

Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.

Filip. Tima 3:21

O wa wa, o zi chɛrgi ya barau a naa vɛ kpoki a kɔɔri a a chi o titi bara naa kpak kpok awa chaani kinkan. O kpok nɔ gbanko zi nyɛ o lagmi kina magau a dɔ a.

Filip. Tima 3:8

Chenani mu fun tiŋ saha digi, lalaknɔ mu lisu di a chi chaasiwa. Nibine zim ya kunyana Yesu Kristo, chen kaali a nama maga kinkan. Chendaha muu daŋni mu zim di Kristo ya mu nyɔɔra.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

1 Tɛs. 5:4

Mu niinbisa, ma zim a wuzu naa Yesu zi wa bur wau. Chendaha o wa zi jɛri ma a chi ŋmɛɛr.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

2 Tim. 1:14

Koosa siim weri naa nyɛn ya ni nan, zi kpa o kpoku a nyɛ hin di i kpak Koosa papaha naa o fun kpa a du i nin ni chen nɛnɛ.

2 Tim. 1:16

Ɔnɛsifɔrɔs funɛ kpami minu bu damata. Chendaha mu sumi ya kunyan ti di o kpak o walɛ siki. O wa kpak hiisa a du min ni domi ba funɛ kpak min a tɔ dɛrɛ daha.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.

2 Tim. 1:8

Ta nyɛ hiisa kpak hin a li chenani i ŋɔ nara ni ya kunyan ti wɛ. Ta nyɛ hiisa gbanko kpak hin a li chenani ba tɔ min dɛ Kristo wɛ daha. Kpa kpok naa Koosa nyɛ hin aa saksi a na namsi o laaboor weri ti daha.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 2:18

Sintana fun a zaamsi Yesu a nyɛ o na namsi kinkan. Chendaha o koti a suŋi ba naa sintana zaamsi lalaknɔ.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

1 Pita 4:16

Amaa ma ya Yesu Kristo nitiŋɛ. Maa ka saksi ma namsi o daha a ta nyɛ hiisa kpak ma. Maa zaami Koosa di maa tiŋ Kristore.

1 Pita 4:19

Chendaha ba naa tiŋ Koosa tutɔ a la na namsi lalaknɔ, o lawa baa tum tum were a kpa ba titi a du Koosa naa funɛ naami kina maga, nin niu. Waa ya wuti tiina.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.