2 Tim. 1:1 - Tampulma

¹ Mu waa, Pɔɔl, naa Koosa fun lisi di mu ya Yesu Kristo nitumi a tum di mu la ŋɔ nara ni o miisa naa o piin kpa nyɛ ya wɛ, domi ya wa Yesu Kristo ya nibɛgimnɛ.

2 Tim. 1:1 Marejeleo ya Msalaba

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Jɔn 6:54

Ba naa maga wa di mu bara aa la nyɔ mu chɛl ti, na o mi fali naa vɛ kpak bɔu lalaknɔ. O wa wa di o di tɛɛnɛ nɔ tim maga sɛria, mu zi lɛli bau a li ba sou ni.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 5:21

Nibinsa tum tagna funɛ nyɛ nara maga siti, amaa lalaknɔ Koosa suŋi yau a bu vɛ na ya galimsa a nyɛ ya o mi fali naa vɛ kpak bɔ ya kunyana Yesu Kristo daha.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

1 Kɔr. 1:1

Mu waa, Pɔɔl, awa ya niinbe Sɔstenis zaami mau. O funɛ sɔɔni Koosa tuhau o fun nyɛ mu ya Yesu Kristo nitumi.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

2 Kɔr. 1:20

Koosa funɛ tum Yesu di o nyɛ vɔwɛ naa maga Koosa fun kpa nyɛ nara ni a li o piili ti ni, chen ya wuti. Ya zaami Koosau a la nyɛ un jirima kinkan kin nama daha.

Gal. 3:26

Chenani ma se su Yesu Kristo nyɛ ma ya Koosa bisa.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Ɛfɛ. 3:6

Ma nyɛ mu biksi ma a muna. Ba naa vɛ ya Ju tima nyɛ ba se su Koosa laaboor weri ti, ba wa Ju tim ta ya nɔ bɛgim a bɔni Koosa papaha naa o fun vɔu di o nyɛ Ju tim ta ni chen. Ba wa Yesu Kristo ya nibɛgimnɛ a zi la kin naa maga Koosa fun vɔu di o nyɛ ba naa se su Yesu Kristo ni.

1 Tim. 6:19

Ba ya chen, ba zi kotiu a chiŋsi ba kina saha naa la wa nan a koti a kpak Koosa wuti miisa naa o zi kpa nyɛ ba.

2 Tim. 1:10

Doone o fun tum o be Yesu Kristo di o wa lisi ya a li ya tum tagna ni yaa tiŋ un. Nan biksi ya di o ya Koosa tutɔrɛ o suŋi ya. Kristo funɛ sou a li o daakakli ti ni, o fun a nyaŋi sou. Waa funɛ kpa Koosa laaboor weri naa funɛ sogli chen a biksi ya o mi fali naa vɛ kpak bɔ, wɛ.

2 Tim. 1:13

I funɛ nyɛn mu wati, mu fun a biksi hin Koosa wuti wɛ di ii tiŋ un. Lalaknɔ kpak mu wuti biksi nɔ nɛnɛ. Nyɛ i si yaa su Yesu Kristo aa kidaŋni nara nɛnɛ, domi o wa ya ya nibɛgimnɛ.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

2 Tim. 2:1

Mu be, ya wa Yesu Kristo ya nibɛgimnɛ. Chendaha Koosa la zi suŋi hin i kpak kpok.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

2 Tim. 2:3

I chi Yesu Kristo lanjimarɛ. Adaha i saksi a na namsi o daha.

2 Tim. 3:15

I gban funɛ zim Koosa sɛm tɔn tiu a li i bichɛsi ni. Waa funɛ koti a nyɛ i si su Yesu Kristo, chen ni o zi yisi hinu a li i tum tagna ni.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Ju 9:15

Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

1 Jɔn 2:25

Ya kunyan ti fun vɔu di o zi nyɛ ya o mi fali naa vɛ kpak bɔu.